સમસ્યા / દેશમાં સૌથી ઝડપથી વેચાણ થનાર આ કારમાં જોવા મળી ખામી, કંપની 'મફત'માં કરશે રિપેર

• Kia Seltos કારમાં જોવા મળી સમસ્યા 
• કંપનીએ મફતમાં રીપેર કરી આપવાની કરી વાત
• ખૂબ જ ઓછા સમયગાળામાં KIA કાર બની લોક હ્રદય સમ્રાટ

Kia Seltos ના 1.4 લીટર ટર્બો પેટ્રોલ એન્જીન અને 7 સ્પીડ ડ્યૂઅલ ક્લચ ઓટોમેટિક ટ્રાન્સમિશન મોડલની કારમાં કેટલીક ટેકનીકલ ખામી જોવા મળી હતી. ત્યારે આ મામલે કંપનીએ હવે તમામ કાર ધારકો પાસેથી પરત મંગાવી છે. કંપની કારમાં એક સોફ્ટવેર અપડેટ કરશે જેના માટે ગ્રાહક પાસેથી કોઇપણ પ્રકારનો ચાર્જ વસૂલવામાં આવશે નહીં. 

ટૂંકા સમયગાળામાં કંપની બની જાણીતી 

ગયા વર્ષે જ એક કાર દ્વારા દેશમાં પ્રવેશ કરનાર કિયા મોટર્સ હવે ફક્ત 130 દિવસમાં ટોપ -10 ઓટોમોબાઈલ કંપનીઓમાં સ્થાન મેળવશે. અહેવાલો અનુસાર, કંપનીના ગ્રાહકોએ કારમાં આવતી બે સમસ્યાઓ વિશે જણાવ્યું છે. પ્રથમ, બેંગ્લોરના ગ્રાહકોએ જણાવ્યું હતું કે ભારે ટ્રાફિક દરમિયાન, કારના ટ્રાન્સમિશનમાં વધુ હિટ થાય છે.

કારનું ટ્રાન્સમિશન ગિયર સ્કીપ થઇ જાય છે

બીજી ખામી એ છે કે કારનું ટ્રાન્સમિશન ગિયર સ્કીપ થઇ જાય છે. કાર માલિકોએ એક ઓનલાઇન ઓટો કેર પ્લેટફોર્મ પર લખ્યું છે કે કારના ગિયર્સ ફક્ત 2, 4 અને 6 ની વચ્ચે બદલાય છે. જ્યારે 1, 3 અને 5 ગિયર્સ સ્કીપ થઇ જાય છે.

કંપનીએ ગ્રાહકનો મોકલ્યો સંદેશ

કિયા સેલ્ટોસમાં રજૂ કરવામાં આવેલા સ્કીપિંગ ગિયર્સની સમસ્યાને ઠીક કરવા માટે, કંપનીએ કાર માલિકોને સંદેશ આપ્યો છે કે તેઓ સોફ્ટવેર અપડેટ માટે વાહનને સર્વિસ સેન્ટરમાં લાવશે. આ સોફ્ટવેર અપડેટ કારમાં ફક્ત 30 મિનિટનો સમય લેશે, જે પછી ગિયર સ્કિપિંગની સમસ્યા હલ થશે.

 ટ્રાન્સમિશનની આ સમસ્યા મેન્યુફેક્ચરિંગ ખામી

કિયા ડીસીટી ટ્રાન્સમિશનની આ સમસ્યા મેન્યુફેક્ચરિંગ ખામી છે, જે કોરિયામાં પ્રકાશમાં આવી હતી. ભારતમાં પણ આ કારના માલિકોને તે જ સોલ્યુશન આપવામાં આવી રહ્યું છે.