સુરત / શ્વાન પાછળ પડ્યું તો નીચે પટકાઈ, ઈજાના ભાગે ચાટ્યુ તો બાળકીને 6 મહિના પછી હડકવા ઉપડ્યો, આજે મોત

• સુરતમાં 6 વર્ષની માસુમ બાળકી ખુશીનુ મૃત્યુ
• ખુશીનું બ્લડ શ્વાનએ ચાટી લીધુ હતુ
• અચાનક 2 દિવસ પહેલા ખુશીમાં હડકવાના લક્ષણો દેખાયા

સુરતમાં શ્વાનના કારણે બાળકીનું મોત થયું છે. સુરતમાં 6 વર્ષની માસુમ બાળકી ખુશીનુ મૃત્યુ થયું છે. 6 મહિના પહેલા બાળકી સોસાયટીમાં શ્વાન પાછળ પડતા પડી ગઈ હતી ત્યારે ખુશીને તે સમયે ઈજા થતા શ્વાનએ બ્લડ ચાટી લીધુ હતુ.

સોસાયટીમાં શ્વાન પાછળ પડતા પડી ગઈ હતી
સુરતમાં શ્વાનનો ત્રાસ દિવસેને દિવસે વધી રહ્યો છે. સુરતમાં 6 વર્ષની બાળકીનો મોત થયો છે. સમગ્ર મામલો આ રીતે છે કે, લગભગ છ મહિના પહેલા બાળકી સોસાયટીમાં હતી ત્યારે તેની પાછળ શ્વાન પડતા તે ત્યા પડી ગઈ હતી અને તેને ઈજા થઈ હતી ત્યારે તેને બ્લડ નીકળતા શ્વાને તેનું બ્લડ ચાટી લીધું હતું. અચાનક 2 દિવસ પહેલા ખુશીમાં હડકવાના લક્ષણો દેખાયા હતાં. ત્યારે ખુશીને તાત્કાલિક સારવાર માટે સ્મીમેર હોસ્પિટલ ખસેડાઈ હતી. જે સારવાર દરમિયાન આજે બાળકુનુ મૃત્યુ થયું છે.

સુરતમાં રખડતા શ્વાનનો આતંક
થોડા દિવસ અગાઉ સુરતના ખજોદ વિસ્તારમાં બાળકી ઉપર ત્રણ જેટલાં શ્વાનોએ એકસાથે હુમલો કર્યો હતો. વિગતો મુજબ રખડતા કૂતરાંઓએ 2 વર્ષની બાળકીને 40 જેટલાં બચકાં ભરી લેતાં તેને ગંભીર હાલતમાં સિવિલ હોસ્પિટલમાં સારવાર માટે ખસેડવામાં આવી હતી.  દોઢ વર્ષની બાળકી ઉપર અચાનક કૂતરાઓએ હુમલો કર્યો હતો. આ સાથે એક્સ-રે કર્યા બાદ તેને સર્જરી માટે મોકલી દેવાઈ હતી. 

સુરતમાં ડોગ બાઇટની ઘટનામાં સતત વધારો
વિગતો મુજબ સુરતમાં 15 દિવસમાં ડોગ બાઈટના 477 કેસ સામે આવ્યા છે. મહત્વનું છે કે, ફેબ્રુઆરીમાં નોંધાયેલા 477 કેસ પૈકી 22 કેસ ગંભીર છે. માહિતી મુજબ જાન્યુઆરી 2023 માં 1205 લોકોને કુતરુ કરડ્યું હતું. વર્ષ 2018માં સિવિલમાં 9,944 અને સ્મીમેરમાં 7154 કેસ નોંધાયા તો વર્ષ 2019માં સિવિલમાં 11099, સ્મીમેરમાં 7375 કેસ નોંધાયા હતા. આ સાથે વર્ષ 2020 માં સિવિલમાં 7124 સ્મીમેરમાં 5264 કેસ, વર્ષ 2021 માં સિવિલમાં 8,249 અને સ્મીમેરમાં 5431 કેસ અને વર્ષ 2022માં સિવિલમાં 6810 અને સ્મીમેરમાં 5298 કેસ નોંધાયા હતા. મહત્વનું છે કે, શ્વાન માસુમ બાળકોને પોતાનું નિશાન બનાવી રહ્યો છે. આ તરફ બાળકોને શ્વાન નિશાન બનાવતા વાલીઓમાં ચિંતાનો માહોલ છે.