'ખિચડી' 'બા બહૂ ઔર બેબી' અને 'કહાની ઘર ઘર કી' જેવા પૉપ્યુલર ટેલિવિઝન શોમાં કામ કરી ચૂકેલી સુચિતા ત્રિવેદીએ 42 વર્ષની ઉંમરમાં લગ્ન કર્યા. તેના લગ્નના ફોટોઝ અને વીડિયોઝ હાલમાં સોશ્યલ મીડિયા પર વાયરલ થઇ રહ્યા છે. સુચિતાએ નિગમ પટેલની સાથે લગ્ન કર્યા છે જેની સાથે તે લાંબા સમયથી રિલેશનશિપમાં હતી. સુચિતા અને નિગમે લગ્ન નજીકના સંબંધીઓ અને મિત્રોની હાજરીમાં કર્યા હતા.
સોશ્યલ મીડિયા પર શૅર કરેલી ફોટોમાં સુચિતાને તેની બહેને તૈયાર કરી હતી. ખાસ કરીને મેકઅપથી લઇને સ્ટાઇલ તમામ વાતનું ધ્યાન તેની બહેને રાખ્યું હતુ. આ ખાસ પ્રસંગે લાલ રંગની સાડી અને ભારે ઘરેણાંમાં સુચિતા ખૂબ જ સુંદર લાગી રહી હતી જ્યારે તેના પતિ નિગમ પટેલે સફેદ રંગની શેરવાની પહેરી હતી.
સુચિતાએ 1983 માં ‘વો સાત દિન’થી ફિલ્મની શરૂઆત કરી હતી. તેમજ પ્રસિદ્ધ શો ‘કહાની ઘર-ઘર કી’ ‘ખીચડી’ અને ‘બા બહૂ અને બેબી’ જેવી સિરીયલોમા પણ કામ કર્યું. સુચિતા અભિનય ક્ષેત્રે 15 વર્ષથી કામ કરી રહી છે.સુચિતાએ ‘ફિરાક’ ‘કુછ કુછ લોચા હૈ’ અને ‘મિશન કશ્મીર’ જેવી ફિલ્મો કરી છે. ઉલ્લેખનીય છે કે તે ‘બિગ બોસ સિઝન 12’માં જોવા મળી શકે છે.