એક ઘરડા માજીએ ગળામાં ડૂમો ભરાયેલા અવાજે કહ્યું મારે ત્યાં મહેમાન કે કોઈ તરસ્યું આવે છે તો કહેવું પડે છે કે પાણી જ નથી..!
ખેડામાં પાણીની તંગીથી લોકો પરેશાન
હેમતાજીના મુવાડામાં પાણીની સમસ્યા
મહિલાઓની પાણી માટે લાગે છે લાંબી લાઇનો
ઉનાળો શરૂ થતાં જ પીવાના પાણીની સમસ્યા ઠેર ઠેર જોવા મળી રહી છે પણ કપડવંજ ના હેમતાજી ના મુવાડા ના ગ્રામજનો અને પશુઓ માટે આ રોજની વાત છે આ ગામના લોકો ખેતી માટે સિંચાઇનું પાણી ન મળતા માત્ર પશુપાલન ઉપર નભે છે જોકે ગામના પશુ અને ગ્રામજનો માટે પાણી માટે રોજ શોધખોળ અને ભરવા માટે ગૃહિણીઓ વચ્ચે કકળાટ રોજની સામન્ય બાબત છે ગામથી દૂર આવેલ એક ખાનગી ઓવારો પાણી મેળવવાનું એકમાત્ર સ્ત્રોત છે જ્યાં મોટી લાઈનો મહિલાઓ પાણી માટે લગાવે છે
પાણી વિના કેમ જીવન ચલાવવું એ મોટો પ્રશ્ન, ચૂંટણી બહિષ્કારની ચીમકી
કપડવંજ ના પૂર્વ ગાળામાં આવેલ હેમતાજીના મુવાડામાં 700 થી વધુ લોકો અને 700 જેટલા પશુઓ વસવાટ કરે છે અહીં ગ્રામપંચાયત દ્વારા ચાર થી વધુ સરકારી બોર બનવવામાં આવ્યા છે વાસમો યોજના અંતર્ગત લાખોના ખર્ચે પાણી ની ટાંકી સંપ મોટર અને ઘરે ઘરે નળ કનેક્શન પણ પહોંચ્યા પણ આઝાદી થી રાહ જોતા આ ગામ ના ઘરો માં પીવાનું પાણી ન પહોંચ્યું સરકાર સાથે સ્થાનિક ધારાસભ્ય અને સાંસદ ઉપર લોકોમાં રોષ છે ચૂંટણી સમયે આવતા નેતાઓ અને તેમના વાયદા વોટ લેવા સુધી જ હોઈ છે ચૂંટણી બાદ આ વિસ્તારમાં કોઈએ ખબર પણ પૂછી નથી ત્યારે આ ઉનાળામાં પાણી ની સમસ્યા દૂર ન કરવામાં આવે તો આ ગામના લોકો ચૂંટણી બહિષ્કાર કરશે તેવી ચીમકી ઉચ્ચારી છે
સ્થાનિક શમુબેન રબારીની આંખમાં 'પાણી'..!
શમુબેન રબારીએ કહ્યું કે પાણીનો ખૂબ જ ત્રાસ છે..અમારે નાના નાના છોકરાઓ છે હું ઘરડી છું માંડ ચાલી શકું છું. રડતાં અવાજે બોલે છે કે મારા પગમાં દર્દ છે મારે ચલાતું પણ નથી. જેમ તેમ કરી ઘણા દૂર સુધી લાકડીના ટેકે ચાલી પાણી ભરવા આવું છું. હું નવું છું પીવી છું.. મારે ઘેર કોઈ પાણી પીવા આવે તો પણ મારે તેણે ના પાડવી પડે છે. પાણી માટે તો લોકો પરબ બંધાવે છે પણ મારે તો ઘરે આવેલા મહેમાનને પણ પાણીનો તિરસ્કાર આપવો પડે છે..!
મહિલા વચ્ચે માટલા યુદ્ધ થાય છે
હેમતાજી ના મુવાડા માં માલધારી સમાજ સાથે અન્ય કોમો વસવાટ કરે છે એક ઘર માં પાંચ થી 20 ગાયો ભેંસો નું પશુધન રાખે છે જોકે પરિવાર ને પાણી માંડ મળતું હોય પશુઓ માટે અન્ય ગામો તરફ પાણી ભરવા જવું પડે છે અને કેટલાક અન્ય ગામો માં રાતવાસો કરી લે છે ગામ ના છેવાડે એક ખાનગી બોર આવેલ છે જે આ ગામ માટે આશીર્વાદ છે પણ આ બોર નું પાણી પશુઓને પાણી પીવા બનાવેલ ઓવારો માં આવે છે જયાંથી આ ગામની મહિલાઓ લાંબી લાઈનો લગાવી લાવે છે જોકે થોડા સમય માટે જ પાણી આવતું હોય મહિલાઓ વચ્ચે રોજ માટલા યુદ્ધ થાય છે તો કેટલીક મહિલાઓ ખાલી હાથે ઘરે પરત ફરે છે દિવસો સુધી પાણી વિના કેટલાય પરિવારો ટળવળે છે જોકે તંત્ર ના વાયદા ચોપડે પૂર્ણ થયા છે જોકે વાસ્તવિકતા આ દ્રષ્યો જ કહી જાય છે.