ખેડા: ભંગારના ગોડાઉનમાં આગ લાગતા મચી દોડધામ કારણ હજી અકબંધ

ખેડાના ઠાસરામાં ભંગારના ગોડાઉનમાં ભીષણ આગ લાગી હતી. આગ લાગતા ગોડાઉનમાં રાખવામાં આવેલો માલ સામાન બળીને ખાખ થયો છે. ઠાસરામાં શુક્રવારે મોડી રાતે ગોડાઉનમાં આગ લાગી હતી. ઘટનાની જાણ થતાં ઠાસરા ડાકોર કપડવંજ ફાયરબ્રિગેડના અધિકારીઓ ઘટના સ્થળે દોડી આવ્યા હતા. 4 કલાકની જહેમત બાદ ફાયર બ્રિગેડે આગ પર કાબુ મેળવ્યો હતો. આગ લાગવાનું કારણ હજી સુધી અકબંધ છે.

આ ઘટના અંગે મળતી જાણકારી મુજબ ગત મોડી રાતે ખેડા જિલ્લાના ઠાસરા ખાતે આવેલ એક ભંગારના ગોડાઉનમાં ભીષણ આગ લાગવાની ઘટના બની હતી. આગને પગલે આસપાસના વિસ્તારમાં અફરાતફરીનો માહોલ જોવા મળ્યો હતો.

જો કે આ ઘટના અંગેની જાણકારી નજીકના ફાયર વિભાગને કરવામાં આવતા તાત્કાલિક અસરથી ફાયર બ્રિગેડની ગાડીઓ ઘટના સ્થળે આવી પહોંચી હતી અને ફાયર વિભાગના જવાનોએ આગ પર કાબૂ મેળવવા માટે સતત પાણીનો મારો ચલાવ્યો હતો.

જો કે આગ એટલી ભીષણ હતી કે જોત જોતામાં સમગ્ર ગોડાઉન આગના ભરડામાં આવી ગયેલ અને ગોડાઉનમાં પડેલ તમામ માલ મળીને ખાખ થઇ જવા પામ્યો હતો. શુક્રવારની મોડી રાતે લાગેલ આગને પગલે ગોડાઉન નજીક રહેતા લોકોમાં ભયનો માહોલ જોવા મળ્યો હતો. જો કે આ આગ ક્યાં કારણોસર લાગી તે કારણ હજી સુધી અકબંધ છે.  
  1 ક્લિક પર જોડાવો VTV ના સોશિયલ એકાઉન્ટ્સ સાથે...

તાજા સમાચારો મેળવવા ફોલો કરો Vtv Twitter એકાઉન્ટ
લાઇક કરો Vtv Facebook પેજ
ફોલો કરો Vtv Instagram એકાઉન્ટ
સબ્સક્રાઇબ કરો Vtv YouTube ચેનલ