આણંદમાં યુવકનું અપહરણ કરનાર પાંચ આરોપીઓ ઝડપાયા છે. જમીન દલાલીનો વ્યવસાય કરતા વિકાસ ફાટાનિયાને આરોપી મનોજ મારવાડી અને તેના ચાર મિત્રો માર મારી ઇકો કારમાં અપહરણ કરી લઇ ગયા હતા અને ડાકોર નજીક આ યુવકને બેભાન હાલતમાં નાખી ગોધરા તરફ ભાગ્યાં હતા. જો કે યુવકને ભાન આવતા તે નજીકની હોટલ પર પહોંચ્યો હતો અને ડાકોર પોલીસને જાણ કરી હતી. આથી પોલીસે યુવકની બાતમીના આધારે અપહરકર્તાઓનો પીછો કર્યો હતો અને આરોપીઓને ઝડપીને આગળની કાર્યવાહી હાથ ધરી છે.
અપહરણકર્તા પાંચ શખ્સો ઝડપાયા
યુવકનું કર્યું હતું અપહરણ
બાતમીના આધારે પોલીસની કાર્યવાહી
જમીન દલાલીના વ્યવસાય કરતા નવયુવકને કાલે રાત્રે આણંદ પાણીની ટાંકી પાસે પાચ ઈસમોએ માર મારી ઇકો કારમાં અપહરણ કરી લઇ ગયા હતા અને ડાકોર નજીક આ યુવકને બેભાન હાલતમાં નાખી ગોધરા તરફ ભાગ્યાં હતા જોકે સેવાલિયા નજીકથી આ કાર સાથે પાંચેય અપહરણ કરનારને પોલીસે પકડી પાડ્યા હતા આણંદ થી સેવાલિયા સુધી રાત્રે હાઈ વોલ્ટેજ ડ્રામા સર્જાયો હતો જોકે ગનતરીના કલાકોમાં જ આરોપીઓ ને પકડી પાડવા સાથે અપહ્યુત યુવક જીવિત મળી આવતા આણંદ પોલીસે હસકારો અનુભવ્યો હતો
કારમાં અપહરણ કરી ભાગી ગયા હતા
આણંદ સહેરના પાણીની ટાંકી વિસ્તારમાં કણજરી ખાતે રહેતા જમીન દલાલ વિકાસ ફાટાનિયા નામના યુવકને મનોજ પોપટભાઈ મારવાડીએ બોલાવી મનોજે ગોધરાના મિત્રો સાથે મળી વિકાસને માર મારી ઇકો કારમાં અપહરણ કરી ભાગી ગયા હતા.
વિકાસને મરેલો સમજી ફેંકી દીધો
જે દરમિયાન ચાલુ કારે વિકાસને માર મારી મરી ગયેલો સમજી ડાકોર ના વણોતી રોડ ઉપર નાખી ભાગી ગયા હતા જોકે ભાન આવતા વિકાસ રોડ ઉપર હોટેલ ઉપર પહોચ્યો હતો અને તેની મદદથી ડાકોર પોલીસ અને ૧૦૮ ને બોલાવી ડાકોર સરકારી દવાખાનામાં સારવાર માટે પહોચ્યો હતો.
આણંદ ટાઉન પોલીસે બગાસું ખાતા પતાસું મળ્યું
જે દરમીયાન પોલીસને અપહરણકર્તા સેવાલિયા તરફ જતા હોવાનું માલુમ પડતા સ્થાનિક પોલીસની મદદથી આ ઇકો કારને ગોધરા તરફ જતા પહેલા પકડી પાડી હતી અને સાથે પાંચેય આરોપીઓને પણ પકડી પાડ્યા હતા તો બીજી તરફ વિકાસને વધુ સારવાર માટે કરમસદ મેડીકલ હોસ્પીટલમાં લઈ જવાયો હતો જ્યાં તેની સારવાર ચાલી રહી છે તો આણંદ ટાઉન પોલીસે બગાસું ખાતા પતાસું મળ્યું હોઈ એમ ગણતરીના કલાકોમાં આ અપહરણનો કેસ સોલ્વ કર્યો હતો અને આરોપી વિજય કાન્તીભાઈ મારવાડી રહે ગોધરા ગોપાલ કાન્તીભાઈ મારવાડી રહે ગોધરા ભાવિન મુકેશભાઈ મારવાડી રહે ગોધરા અજય ભાનુભાઈ મારવાડી અને મનોજ મારવાડી રહે આણંદને પકડી પાડી જેલના હવાલે કર્યા હતા