ટ્રક અને કાર વચ્ચે ગમખ્વાર અકસ્માત, ગાડી ચાલક સહિત બે લોકોના મોત

ખેડામાં ટ્રક અને કાર વચ્ચે અકસ્માતના સમાચાર સામે આવ્યા છે. ટ્રક અને કાર વચ્ચે અકસ્માત થતા કાર ચાલક સહિત બે લોકોનાં મોત થયા છે. તો અકસ્માતમાં એક વ્યક્તિ ઈજાગ્રસ્ત થતા તેને સારવાર માટે ડાકોર હોસ્પિટલ ખસેડવામાં આવ્યો છે. 

અકસ્માતની ઘટનાની જાણ પોલીસને થતા પોલીસની ટીમ ઘટના સ્થળે પહોંચી હતી અને વધુ તપાસ હાથ ધરી છે. ઠાસરા નજીક અકસ્માત થતા આસપાસમાં રહેતા લોકોનાં ટોળે ટોળા ઉમટ્યા હતા અને બચાવ કામગીરી પણ હાથ ધરવામાં આવી હતી. પરંતુ કમનસીબે અકસ્માતમાં બે લોકોનાં મોત થયા છે અને એક વ્યક્તિ ઈજાગ્રસ્ત હાલતમાં સારવાર હેઠળ છે.

કાર અને ટ્રક વચ્ચે થયેલા અકસ્માતને પગલે ચકચાર મચી જવા પામી હતી. જો કે, આસપાસના લોકો તાત્કાલિક અસરથી ઘટના સ્થળે આવી પહોંચ્યા હતા અને બચાવ કાર્ય હાથ ધર્યું હતું.

જો કે, કારચાલક સહિત 2 લોકોના ઘટના સ્થળે જ કમકમાટીભર્યા મોત નીપજ્યા હતા. આ મામલાની જાણ થતાં જ સ્થાનિક પોલીસ ઘટના સ્થળે દોડી આવી હતી અને પ્રાથમિક તપાસ હાથ ધરી હતી.