ખેડાના યાત્રાધામ ફાગવેલ નજીક શેઢી નદીમાં યુવકો ડૂબ્યા છે. મળતી માહિતી પ્રમાણે ખેતરેથી પરત આવી રહેલા ત્રણ યુવકો શેઢી નદીમાં ડૂબ્યા હતા. જેમાં બે યુવાનોનો આબાદ બચાવ કરવામાં આવ્યો છે.
જ્યારે એક યુવક લાપતા છે. જેની ફાયર ફાઈટર દ્વારા શોધખોળ કરવામાં આવી રહી છે. જોકે ઘટનાં અંગે જાણ થતા જ મામલતદાર TDO અને કઠલાલ પોલીસ ઘટના સ્થળ પર દોડી આવ્યા છે.
હાલ વરસાદનો માહોલ ચાલી રહ્યો છે ત્યારે ગુજરાતની કેટલીય નદીઓમાં પુરની સ્થિતિ પણ જોવા મળી છે. ત્યારે તાજેતરમાં મળતા અહેવાલ મુજબ ભાથીજીના નામથી જાણતા બનેલા ફાગવેલ નજીકથી પસાર થતી શેઢી નદીમાં યુવકો ડૂબવાની ઘટના બની હતી.
ખેતરેથી કામકાજ પૂર્ણ કરીને પરત ફરી રહેલા યુવકો શેઢી નદીમાં ડૂબ્યા હતા. આ મામલાની જાણ સ્થાનિક પોલીસને થતાં પોલીસ કાફલો તથા સ્થાનિક તરવૈયા તથા ફાયર ફાઇટર ઘટના સ્થળે આવી પહોંચ્યા હતા.
સ્થાનિકો તરવૈયાઓ અને ફાયર બ્રિગેડના જવાનોએ નદીમાં ડૂબતા યુવાનોને બહાર કાઢવા પ્રયત્નો હાથ ધર્યા હતા જેમાં 2 યુવકોને આબાદ બચાવ થયો હતો પરંતુ એક યુવાન પાણીના પ્રવાહમાં વધારે આગળ જતો રહ્યો હોવાને કારણે તેની શોધખોળ હાથ ધરવામાં આવી હતા. જો કે આ લખાઇ રહ્યું છે ત્યાં સુધીમાં યુવકની ભાળ મળી હોવાના કોઇ સમાચાર પ્રાપ્ત થઇ શક્યા નહોતા.