જાણીતો રિયાલીટ શો ખતરો કે ખેલાડી ખૂબ જ જલ્દી ટીવી પર શરૂ થવાનો છે. આ વખતે પણ શો ને ડારેક્ટર રોહિત શેટ્ટી હોસ્ટ કરી રહ્યો છે. શો ના શૂટિંગના પહેલા દિવસે જ એક વીડિયો સોશિયલ મીડિયા પર લીક થઇ ગયો છે.
મળતી માહિતી અનુસાર શો માં આ વખતે તમને ઘણા પ્રકારના મુશ્કેલ સ્ટંટ્સ જોવા મળશે. શો નું શૂટિંગ બુલ્ગેરિયામાં શરૂ થઇ રહ્યું છે. શો ના શૂટિંગના પહેલા દિવસે જ સેટથી એક વીડિયો સોશિયલ મીડિયા પર લીક થઇ ગયો છે.
વીડિયોમાં શો ના કન્ટેસ્ટેન્ટ અને ટીવી એક્ટર કરણ પટેલ બે વિદેશી યુવતીઓ સાથે 'વો હસીના વો નીલમ પરી, કર ગઇ કેસે જાદૂગરી' ગીત પર ડાન્સ કરતાં જોવા મળી રહ્યો છે. શો ના બીજા કન્ટેસ્ટેન્ટ કરણની ડાન્સ પર્ફોમન્સને ખૂબ એન્જોય કરતાં નજરે આવી રહ્યો છે.
તો બીજા વીડિયોમાં ધર્મેશ યેલંડે જમીનથી ખૂબ જ ઊંચાઇ પર કેબલથી બાંધેલો ડાન્સ કરતો નજરે પડી રહ્યો છે. વીડિયો જોઇને લાગી રહ્યું છે કે ધર્મેશનો આ વીડિયો સ્ટંટ કરતા દરમિયાનનો છે. શો ના પહેલા દિવસના શૂટિંગમાં જ કન્ટેસ્ટેન્ટ ખૂબ જ મસ્તી કરતાં નજરે આવી રહ્યા છે.
જણાવી દઇએ કે શો નું શૂટિંગ 5 ઓગસ્ટ 2019 થી શરૂ થઇ ગયું છે. રોહિત શેટ્ટીએ ખતરો કે ખેલાડીના સેટથી સોશિયલ મીડિયા પર પોતાનો ફોટો શેર કરતાં શો શરૂ થયો હોવાની જાણકારી આપી છે. રોહિતે ફોટોની સાથે કેપ્શન લખ્યું, 'EVERYTHING YOU EVER WANTED IS ON THE OTHER SIDE OF FEAR... Khatron ke khiladi season 10 begins today in Bulgaria.