બાડમેરના ગુડામલાની પોલીસ સ્ટેશન વિસ્તારના ધોરા ગામના રહેવાસી પીડિતાના પિતા કાનારામ રબારીએ આરોપ લગાવ્યો કે હાલમાં ખાપ પંચાયતના સભ્ય તેની પુત્રીના લગ્ન દારૂડિયા સાથે કરવા માટે મજબૂર કરી રહ્યાં છે.
ખાપ પંચાયતનુ તઘલખી ફરમાન
ગામની એક દીકરીના લગ્ન દારૂડિયા સાથે કરાવવા માટે કરી રહ્યાં છે મજબૂર
જો આવુ નહીં થાય તો પરિવારને સમાજમાંથી બહિષ્કાર કરવાની આપી ધમકી
અમે કહીશુ ત્યાં જ લગ્ન કરવા પડશે: ખાપ પંચાયતનુ ફરમાન
રાજસ્થાનમાં બાડમેર જિલ્લાની ખાપ પંચાયતમાં એક પરેશાન કરી નાખે તેવો મામલો સામે આવ્યો છે. ખરેખર, ગામમાં એક પરિવાર પોતાની દીકરીને ભણાવવા માંગે છે, પરંતુ સંબંધી અને પંચ પરિવાર પર 18 વર્ષીય યુવતીના લગ્ન કરવાનુ દબાણ બનાવી રહ્યાં છે. એટલું જ નહીં, પંચે પરિવારને સમાજમાંથી બહિષ્કાર કરવાની ધમકી આપી છે અને કહ્યું છે કે જો વાત નહીં માને તો 15 લાખ રૂપિયાનો દંડ ફટકારવામાં આવશે. આવી સ્થિતિમાં પરેશાન થઇને 18 વર્ષીય યુવતી સૂરજ કુમારીએ તેના પરિવારની સાથે ખાપ પંચાયતના આદેશની સામે એસપીને ફરિયાદ કરી છે.
ખાપ પંચાયતનુ પાલન નહીં થાય તો 15 લાખ રૂપિયાનો દંડ ફટકારાશે
તેમણે કહ્યું કે તેની પુત્રી બીજા વર્ષમાં ભણી રહી છે અને પોતાનો અભ્યાસ ચાલુ રાખવા માગે છે. પરંતુ જાતિ પંચાયતના સભ્ય તેમને ધમકી આપી રહ્યાં છે કે જો તેમણે ખાપ પંચાયતના હુકમનુ પાલન ના કર્યુ તો તેમનો સમાજમાંથી બહિષ્કાર થશે અને 15 લાખ રૂપિયાનો દંડ ફટકારવામાં આવશે. પીડિતાએ દાવો કર્યો કે જાતિ પંચાયતના સભ્યોએ પણ તેમને ચેતવણી આપી હતી કે તેના સામાજિક બહિષ્કાર બાદ સમુદાયમાં કોઈ પણ તેની પુત્રી સાથે લગ્ન નહીં કરે. રબારીએ કહ્યું, મારો પરિવાર ડરમાં છે અને પુત્રી છેલ્લાં ત્રણ દિવસથી ખાવાનુ ખાતી નથી. અમે ઈચ્છીએ છીએ કે તે ભણે. આ ખાપ નેતાઓ તેનુ ભવિષ્ય ખરાબ કરવાનો પ્રયાસ કરી રહ્યાં છે. આરોપી અમને ધમકાવી રહ્યાં છે અને પુત્રીને ગુમ કરવાની યોજના બનાવી રહ્યાં છે.