છેતરપિંડી / પોલીસકર્મીઓને બાતમી આપવાનું કહીને રોકડ વસુલતો આરોપી ખલીલીઉલ્લા મુંબઇથી ઝડપાયો

રાજ્યભરની પોલીસ સાથે છેતરપિંડી કરતા શખ્સની પોરબંદર પોલીસે મહારાષ્ટ્રમાંથી ધરપકડ કરી છે. પોલીસકર્મીઓને બાતમી આપવાનું કહીને રોકડ રૂપિયા વસુલતો હતો. ફોન કરીને બાતમી કહીને પોલીસકર્મીઓ પાસેથી આ શખ્સ રૂપિયા વસુલતો હતો.

ત્યારે પોરબંદર LCBના પોલીસ સબ ઈન્સપેક્ટને ફોન કરવો આ શખ્સને ભાર પડ્યો. આ શખ્સે PSIને બાતમી આપવાનું કહીને 15 હજાર રૂપિયાની માગ કરી હતી.

જોકે PSI તેની વાતોમાં આવ્યા ન હતા. PSIએ બાતમી આપનાર શખ્સ સામે ફરિયાદ કરી હતી. ફરિયાદના આધારે પોરબંદર પોલીસે ફોન કરનાર શખ્સની મહારાષ્ટ્રમાંથી ધરપકડ કરી હતી.

પોલીસે આરોપી ખલીલઉલ્લા અયાન ઉલ્લાખાનને મુંબઈથી ઝડપી પાડ્યો છે. આ શખ્સે રાજ્યભરના પોલીસકર્મીઓ સાથે છેતરપિંડી કરી હોવાની કબૂલાત પણ કરી છે.