કાર્યવાહી / ખાખીના શરણે ખવડ: હુમલાની ઘટના મુદ્દે પોલીસનો મોટો ખુલાસો, કહ્યું આરોપીની રીતે ટ્રીટમેન્ટ થશે, આશરો આપનારની પણ ખેર નહીં

• દેવાયત ખવડે કરેલા હુમલાને લઇને ACP ભાર્ગવ પંડ્યાનું નિવેદન
• દેવાયત ખવડે આજે સરેન્ડર કર્યુ છે-ACP
• દેવાયત ખવડ સાથે બે શખ્સો હતા તે ફરાર થયા છે-ACP
• નંબર પ્લેટ વગરની સ્વીફ્ટ કારની શોધખોળ ચાલુ છે-ACP

 લોકસાહિત્યકાર દેવાયત ખવડના સરેન્ડર પછી રાજકોટ પોલીસ દ્વારા પત્રકાર પરિષદ યોજી હતી. જેમાં એસીપી ભાર્ગવ પંડ્યાએ જણાવ્યું હતું કે સર્વેશ્વર ચોક નજીક મયુરસિંહ રાણા પર દેવાયત ખવડે હુમલો કર્યો હતો. જે કેસમાં આજે દેવાયત ખવડે સરેન્ડર કર્યું છે. ત્યારે ગુનામાં ઉપયોગમાં લેવાયેલ નંબર પ્લેટ વગરની સ્વીફ્ટ કારની શોધખોળ હાલ ચાલી રહી છે અને દેવાયત ખવડ જોડે રહેલા અન્ય બે વ્યક્તિની પણ શોધખોળ ચાલુ છે. તેમજ દેવાયત ખવડને આશરો આપનાર સામે પણ પગલા લેવામાં આવશે. છેલ્લા ઘણા સમયથી બંને પક્ષો વચ્ચે અંગત અદાવત હતી. ત્યારે પાર્કીંગ બાબતે પાડોશી પરાક્રમસિંગ જાડેજા સાથે માથાકૂટ ચાલતી હતી. દેવાયત ખવડને કોર્ટમાં રજૂ કરી કાયદેસરના પોલીસ રીમાન્ડ લેવામાં આવશે અને દેવાયત ખવડ લોકસાહિત્યકાર છે છતાં તેની સાથે આરોપી જેવી જ ટ્રીટમેન્ડ કરવામાં આવશે.

10 દિવસ બાદ સરેન્ડર કર્યું
લોક સાહિત્યકાર દેવાયત ખવડે 10 દિવસ બાદ પોલીસ સમક્ષ સરેન્ડર કર્યું. મયુરસિંહ રાણાને જાહેરમાં ઢોર માર માર્યા બાદથી દેવાયત ખવડ ફરાર હતો. મહત્વનું છે કે, આવતીકાલે ખવડની જામીન અરજી પર સુનાવણી થશે.

જાણો શું છે સમગ્ર મામલો

• લૉકસાહિત્યકાર ખવડે 12 તારીખે યુવક પર એક સાગરીતની સાથે કર્યો હતો હુમલો, પીડિતનું નામ મયુરસિંહ રાણા
• સર્વેશ્વર એપાર્ટમેન્ટ નજીક હુમલો કરતાં ઘટના કેમેરામાં થઈ કેદ
• પોલીસે ગુનો નોંધી તેને પકડવા તપાસ હાથ ધરી તો થયો અંડરગ્રાઉન્ડ, રાજકોટમાં ઘરમાં મારી દીધા તાળાં, વતન દૂધઈમાં પણ થઈ તપાસ પણ ત્યાં કોઈ મળ્યું નહીં
• ખવડે પોલીસથી બચવા કરી નાંખી આગોતરા જામીન અરજી
• દેવાયત ખવડ સતત પોલીસની પકડથી દૂર હોવાથી ક્ષત્રિય સમાજના આગેવાનો આગળ આવ્યા અને વિરોધ કર્યો, પોલીસ પર જ કર્યો સાંઠગાંઠનો આરોપ
• પોલીસે કહ્યું તેની સાથે જોડાયેલા તમામના નિવેદન લીધા, સોશ્યલ મીડિયા અને મોબાઈલ પર અમારી નજર છે, તેને પકડવા ચક્રો ગતિમાન કર્યા છે
• 15 તારીખે આગોતરા જામીન અરજી પર સુનાવણી હતી પણ તે 17 સુધી ટળી
• મયુરસિંહ રાણાના પરિવારે PMO સુધી ફરિયાદ કરી અને કાર્યવાહીની કરી માંગ
• આવતીકાલે સુનાવણી થશે: પોલીસે આજે સોગંધનામું આપ્યું કે દેવાયતને જામીન ન આપવા કારણ કે 2015માં ચોટીલામાં મારામારી અને 2017માં સુરેન્દ્રનગરમાં આર્મ્સ એક્ટ હેઠળ પણ ગુનો નોંધાયો છે