દયનીય / વિકલાંગ વૃદ્ધના શરીર પર મકોડા ચડી ગયા હતા, ખજૂરભાઈ દોડી ગયા મદદે, અત્યાર સુધીનો સૌથી ઈમોશનલ VIDEO

• વૃદ્ધની પરિસ્થિતિ જોઈને આવશે દયા 
• નીતિન જાની એ બનાવી આપ્યું ઘર 
• પોતે કરાવ્યું સ્નાન 

તૌક્તે વાવાઝોડા વખતે ઘણા લોકોએ જીવ ગુમાવ્યા અને ઘણા લોકોએ ઘર ગુમાવ્યા છે. એવામાં ગુજરાતના સોનુ સૂદ તરીકે જાણીતા ખજૂર એટલે કે નીતિન જાની પાછલા ઘણા સમયથી લોકોની મદદ માટે આગળ આવ્યા છે અને ગામે ગામે જઈને જરૂરીયાત મંદોની મદદ કરે છે. 

આ વીડિયો જોઈને જરૂરથી ઈમોશનલ થઈ જશો 
જેમના માથે છત નથી અથવા તો જેમના ઘરમાં કંઈ સમારકામની જરૂર છે પરંતુ આર્થિક સ્થિતિ સારી ન  હોવાના કારણે તે ખર્ચ કરવા સક્ષમ નથી. તેવા લોકોને નીતિન જાની મદદ કરે છે. તેમની આ મદદના વીડિયો તે પોતાના ઈન્સ્ટાગ્રામ અને યુટ્યુબ ચેનલ પર શેર કરતા રહે છે. આવો જ એક મદદનો વીડિયો તેમણે હમણાં શેર કર્યો છે. જેને જોઈને તમે ચોક્કસથી ઈમોશનલ થઈ જશો.

ખૂબ જ ખરાબ છે ઘરની પરિસ્થિતિ 
મહુઆના મોટા કોટવડા ગામમાં રહેતા 65 વર્ષના રમેશભાઈના પત્ની કે બાળકો નથી. શરીરે વિકલાંગ હોવાના કારણે પોતે ચાલી ફરી પણ નથી શકતા. નિરાધાર તે ઘરમાં એકલા જ રહે છે. તે જે ઘરમાં રહે છે તેની સ્થિતિ એટલી ખરાબ છે કે ઘરની છત પરથી પાણી ટપકે છે.

મકોડાઓએ કર્યો મુશ્કેલીમાં વધારો
જીવાત અને મકોડાએ તેમની મુશ્કેલીઓમાં વધારે કરી રખ્યો છે. વિકલાંગ રમેશભાઈને બે સમયનું ભોજન પણ નથી મળી મળી શકતું. નીતિન જાનીએ ત્યાં પહોંચીને વૃદ્ધનું ઘર બનાવી આપ્યું છે. આટલું જ નહીં આ વૃદ્ધની પરિસ્થિતિ જોઈને તેમને પોતાના હાથે સ્નાન પણ કરાવ્યું હતું.