કોરોનાકાળમાં એક્ટર સોનુ સૂદ લોકોના મસિહા તરીકે ઉભરી આવ્યો હતો પરંતુ ગુજરાતમાં પણ એક સોનૂ સુદ છે.
નીતિન જાનીએ બનાવી આપ્યુ નિસહાયને ઘર
કોરોનાકાળમાં કરી રહ્યાં છે લોકોની મદદ
બિલ્ડરોએ પણ ન કરી નીતિનની મદદ
જીગલી ખજૂર તરીકે પ્રખ્યાત
યુટ્યુબ પર જીગલી ખજૂર તરીકે પ્રખ્યાત એવા નીતિન જાની અને તરુણ જાનીએ અસહાય લોકોની મદદ કરવા માટેની ઝૂંબેશ ઉપાડી છે. કોરોનામાં ઘણા લોકોની રોજી રોટી છીનવાઇ ગઇ હતી અને ઘણા લોકોના ઘર વાવાઝોડામાં પડી ગયા હતા તેમની મદદ માટે ખજૂર જીગલી સામે આવ્યા છે.
બિલ્ડરોએ ના કરી મદદ
ખજૂર બનતા નીતિન જાનીએ જણાવ્યું કે, તેમના કોન્ટેકમાં 15 થી 17 બિલ્ડર હતા તેમણે દરેકને ફોન કરીને ગાઇન્સ માંગ્યુ હતુ પરંતુ કોઇએ કહ્યું કે, હું આવા નાના કામ નથી કરતો તો બીજા લોકોએ પણ મદદ કરવાની આડકતરી રીતે ના પાડી દીધી. ત્યારે નીતિને તે દરેક વ્યક્તિને જવાબ આપ્યો કે તમે બધા મારો નંબર ડિલીટ કરી દેજો અને મને ક્યારેય મોઢુ ન બતાવતા.
લોકોને ખરેખર જરૂર છે
VTV ગુજરાતી સાથેની ખાસ વાતચીતમાં નીતિન જાનીએ જણાવ્યું કે, ગ્રાઉન્ડ લેવલ પર નજર નાંખીએ તો લોકોને ખરેખર જરૂર છે અને અમે તે તમામ લોકોને બનતી મદદ કરવાનો પ્રયત્ન કરી રહ્યાં છીએ. 26 ગામડામાં અમે ફર્યા તો જોયુ કે નળિયા અને પતરાની પણ લોકોને જરૂર છે. લોકોના ઘર તૂટી ગયા છે અને તેમની પાસે રિપેરિંગના પૈસા નથી.
મોંઘવારી બની વિલન
નીતિન જાનીએ વધુમાં કહ્યું કે, દેશમાં મોંઘવારી વધતી જઇ રહી છે અને પતરા તેમજ નળિયાના ભાવમાં પણ વધારો થયો છે. નળિયા કે પતરા જેવી વસ્તુ સામાન્ય માણસ જ ખરીદવાનો છે અને તેના પણ જો ભાવ વધી જશે તો તે માણસ શું કરશે. અત્યારે માણસાઇ દાખવવાનો સમય છે. યુટ્યુબ પરથી કમાણી કરે છે અને એ પૈસાને સેવાકાર્યમાં વાપરે છે.
બધો ખર્ચ હું અને મારો ભાઇ કરીએ છીએ : નીતિન
ખજૂર ભાઇએ આગળ કહ્યું કે, અત્યાર સુધી જે પણ લોકોને મદદ કરી છે તે ખર્ચો હું અને મારો ભાઇ તરુણ જ ઉપાડતા આવ્યા છીએ. હાં, કોઇએ મદદ કરી હોય કે અમારા તરફથી સેવાના કામમાં વાપરજો તેવા દાખલા પણ છે પરંતુ મોટાભાગનો ખર્ચો અમે ભાઇઓ જ ઉપાડીએ છીએ.