છેલ્લાં બે વર્ષથી દર્શકો 'કેજીએફ: ચેપ્ટર 2' નુ આતુરતાપૂર્વક રાહ જોઈ રહ્યાં છે. હવે આ સમાપ્ત થવાના આરે છે. કારણકે રોકી ભાઈ એટલેકે યશની ફિલ્મનુ ટ્રેલર એક ગ્રાન્ડ ઈવેન્ટ દરમ્યાન લોન્ચ થઇ રહ્યું છે.
'કેજીએફ: ચેપ્ટર 2'ના ટ્રેલરનુ આજે ગ્રાન્ડ ઈવેન્ટ દરમ્યાન લોન્ચિંગ
ટ્રેલર લોન્ચમાં બોલીવુડ સેલિબ્રિટીઓનો રહેશે દબદબો
બોલીવુડ ફિલ્મ નિર્માતા કરણ જોહર કરશે હોસ્ટ
રવીના ટંડન અને સંજય દત્ત રહેશે ઉપસ્થિત
સોશિયલ મીડિયામાં આ ટ્રેલરને લઇને ખૂબ ધૂમ મચી છે. આજે એટલેકે રવિવારે 27 માર્ચે બેંગલોરમાં ટ્રેલર લોન્ચ થશે. આ ઈવેન્ટમાં સાઉથ ઈન્ડસ્ટ્રીની સાથે બોલીવુડનો દબદબો પણ જોવા મળશે. તો જાણો આ લોન્ચિંગ ઈવેન્ટમાં કોણ કોણ હાજર રહેશે. 14 એપ્રિલે 'કેજીએફ: ચેપ્ટર 2' મોટાપાયે રીલીઝ થવા માટે તૈયાર છે. મેગા એક્શન એન્ટરટેઇનરના નિર્માતા ટ્રેલર લોન્ચ કાર્યક્રમમાં કોઈ પણ પ્રકારની કમી રાખવા માગતા નથી. બોલીવુડ અભિનેત્રી રવીના ટંડન અને સંજય દત્ત મેગા ટ્રેલર લોન્ચ ઈવેન્ટમાં જોવા મળશે. જે 27 માર્ચે બેંગલોરમાં યોજાશે.
આ મેગા ઈવેન્ટની મેજબાની કોઈ સાઉથ ફિલ્મમેકર નહીં, પરંતુ બોલીવુડ ફિલ્મ નિર્માતા કરણ જોહર કરવાના છે. જ્યારે સંજય દત્ત અને રવીના ટંડન સમારોહમાં સ્ટાર કાસ્ટ તરીકે સામેલ છે. તો અભિનેતા અને નિર્માતા ફરહાન અખ્તર પણ આ ઈવેન્ટના મુખ્ય મહેમાન છે.
આ ભાષાઓમાં ફિલ્મ થશે રીલીઝ
કન્નડ, તેલુગુ, હિન્દી, તામિલ અને મલયાલમમાં 14 એપ્રિલે દેશભરમાં રીલીઝ થયેલી કેજીએફ: ચેપ્ટર 2 સૌથી વધુ માંગવાળા નિર્દેશકોમાંથી એક પ્રશાંત નીલ દ્વારા લેખિત અને નિર્દેશિત છે, અને હોમ્બ્લે ફિલ્મ્સ બેનર હેઠળ વિજય કિરાગંદૂર દ્વારા નિર્મિત છે. કેજીએફ ચેપ્ટર 2ને ઉત્તર ભારતના માર્કેટમાં રિતેશ સિધવાની અને ફરહાન અખ્તરની એક્સેલ એન્ટરટેઇનમેન્ટ અને એએ ફિલ્મ્સ દ્વારા પ્રસ્તુત કરાઈ રહી છે. યશ અભિનીત આ ફિલ્મ આખા દેશમાં 6000 સ્ક્રીન પર એકસાથે રીલીઝ થશે.