કન્નડ ફિલ્મ 'KGF ચેપ્ટર 2'નું 'ભૂત' કિલી પોલ પર સવાર થઈ ગયુ છે. સુપરસ્ટાર યશની ફિલ્મ 'KGF ચેપ્ટર 2' એક દિવસ પહેલા જ રિલીઝ થઈ છે અને કિલી પોલ આ ફિલ્મના ડાયલોગને અલગ અંદાજમાં લિપ-સિંક કરીને ખળભળાટ મચાવ્યો છે.
બોલિવુડનો ફેન છે તાંઝાનિયાનો આ યુવક
બનાવ્યો KGFનો વીડિયો
KGF-2ના ડાયલોગ પર બનાવી રીલ્સ
તાંઝાનિયાના કિલી પોલ હાલ ભારતમાં ઈન્ટરનેટ સેન્સેશન બની ગયો છે. તે પોતાના ઈન્સ્ટાગ્રામ એકાઉન્ટ પર એક્સર ભારતીય ગીતો પર ડાન્સ અને લિપ-સિંક કરતા વીડિયો પોસ્ટ કરતા રહે છે. તેમને ભારતમાં ખૂબ પસંદ કરવામાં આવે છે. આ વીડિયોઝ દ્વારા તાંઝાનિયાના કિલી પોલ આજે સોશિયલ મીડિયા સ્ટાર બની ચુક્યા છે.
KGF-2ના ડાયલોગ પર બનાવી રીલ્સ
કિલી પોલને બોલિવુડની સાથે ટોલીવુડની ફિલ્મો પણ ખૂબ પસંદ આવે છે. ત્યારે જ તો તે હમણાંથી ટોલીવુડના સુપર હિટ ગીતો પર લિપ-સિંક કરતા વીડિયો શેર કરતા રહે છે. હવે કિલી પોલ પર કન્નડ ફિલ્મ 'KGF-2'નું ભૂત સવાર છે. સુપરસ્ટાર યશની ફિલ્મ 'KGF Chapter 2'એક જ દિવસ પહેલા રિલીઝ થઈ છે. કિલી પોલે અલગ જ અંદાજમાં ફિલ્મનો એક ડાયલોગ પર લિપ-સિંક કર્યા છે.
કિલી પોલે લિપ-સિંકની સાથે જ ફિલ્મના એક સીન પર એક્ટિંગ પણ કરી છે. આમ કરીને તેમણે ઈન્ટરનેટ યુઝર્સનું દિલ જીતી લીધુ છે. સૌથી મહત્વની વાત એ છે કે સામાન્ય રીતે પારંપરિક મસાઈ કપડાંમાં વીડિયો શેર કરનાર કિલી પોલે આ વીડિયો માટે કંઈક હટકે કર્યું છે. તેમણે 'KGF-2'ના ફેમસ ડાયલોગ પર લિપ-સિંર માટે શૂટ પહેર્યો છે.
કિલી પોલે કરી કમાલની એક્ટિંગ
કિલી પોલનો આ વીડિયો તેમના બાકી વીડિયોઝની તુલનામાં ખૂબ હટકે છે. જે સમયે તે ફિલ્મના ડાયલોગ પર લિપ-સિંક કરી રહ્યા છે તે સમયે તેમની એક્શન કંઈક અલગ જ છે. વીડિયો જોયા બાદ તમે પણ કિલી પોલની એક્ટિંગના વખાણ કર્યા વગર નહીં રહી શકો. વીડિયોને કિલી પોલે પોતાના ઈન્સ્ટાગ્રામ પર શેર કર્યો છે.