સુપરસ્ટાર યશની ફિલ્મ કેજીએફ ચેપ્ટર 2 બૉક્સ ઑફિસ પર તાબડતોડ કમાણી કરી રહી છે. આ ફિલ્મમાં અભિનેત્રી શ્રીનિધિ શેટ્ટીએ યશની ગર્લફ્રેન્ડ રીનાનુ પાત્ર ભજવ્યું છે. જેની ખૂબ ચર્ચા થઇ રહી છે.
શ્રીનિધિની ગ્લેમરસ તસ્વીરો જોઈને તમે પણ થઇ જશો ફિદા
શ્રીનિધિની પહેલી ફિલ્મ છે 'કેજીએફ ચેપ્ટર 1'
સુંદરતા મામલે શ્રીનિધિ બોલીવુડ અભિનેત્રીઓને મ્હાત આપે છે. કેજીએફ ચેપ્ટર 1 શ્રીનિધિ શેટ્ટીની પહેલી ફિલ્મ હતી. ત્યારબાદ તે કેજીએફ ચેપ્ટર 2માં જોવા મળી. શ્રીનિધિ કર્ણાટકની રહેવાસી છે અને ફિલ્મોમાં આવતા પહેલા તે મોડલિંગ કરતી હતી. તે અનેક સૌદર્ય સ્પર્ધાનો ભાગ રહી ચૂકી છે. અભિનેત્રીએ વર્ષ 2016માં મિસ દિવા સુપરનેશનલનો ખિતાબ તેના નામે કર્યો. પછી તે મિસ સુપરનેશનલ પણ બની. આ ખિતાબ જીતનારી શ્રીનિધિ બીજી ભારતીય મૉડલ છે.
શ્રીનિધિ શેટ્ટી વાસ્તવિક જીવનમાં ખૂબ સુંદર છે અને સોશિયલ મીડિયામાં વારંવાર તેની ગ્લેમરસ તસ્વીરો વાયરલ થતી રહે છે. તેની સુંદરતા આગળ બોલીવુડ અભિનેત્રીઓ પણ પાણી ભરે છે. શ્રીનિધિ દરેક લુકમાં સુંદર લાગે છે. ઉલ્લેખનીય છે કે શ્રીનિધિ શેટ્ટી કોબરા ફિલ્મમાં જોવા મળશે. જેમાં તે સુપરસ્ટાર વિક્રમ સાથે દેખાશે.