વિરોધ / KFC-હ્યુન્ડાઈ વિવાદના ગુજરાતમાં પડઘા: અમદાવાદ અને હિંમતનગરમાં VHPના દેખાવો, જુઓ શો રુમ બહાર શું કર્યું?

• કાશ્મીર મામલે કરેલી ટ્વિટના પડઘા
• અમદાવાદમાં KFCનો વિરોધ 
• હિંમતનગરમાં VHP-બજરંગદળનો વિરોધ

પાકિસ્તાનમાં હ્યુન્ડાઈ કંપની અને KFCએ કાશ્મીર મામલે કરેલી ટ્વિટના મામલે રાજ્યભરામાં વિરોધ ચાલી રહ્યો છે.ત્યારે અમદાવાદમાં પંચવટી પાસે આવેલા KFC પર VHPના કાર્યકર્તાઓએ વિરોધ કર્યો હતો અને બંધ પણ કરાવ્યું હતુ.તો બીજી તરફ તો સાબરકાંઠાના હિંમતનગરમાં પણ VHP-બજરંગદળના કાર્યકર્તાઓએ હ્યુન્ડાઈ અને કિઆ કંપનીના શોરૂમ સાથે સુત્રોચ્ચાર કરીને વિરોધ નોંધાવ્યો હતો.સાથે સ્ટીકર પણ ચોંટાડ્યા હતા

પંચવટી KFC બંધ કરાવી
અમદાવાદમાં હ્યુંડાઇ બાદ KFCનો વિરોધ થવા લાગ્યો છે. VHPએ પંચવટી પાસે આવેલું KFC બંધ કરાવ્યું હતું. KFCએ પણ પાકિસ્તાન હ્યુંડાઇના ટ્વીટને સમર્થન કર્યું હતું. જે બાદ ગુજરાતમાં વીએચપીએ લેખિતમાં માફી ન માંગે ત્યાં સુધી વિરોધ રાખવાની ચીમકી ઉચ્ચારી હતી.

હ્યુંડાઇ કંપનીના શૉ રૂમ બહાર સૂત્રોચ્ચાર
તો બીજી તરફ પાકિસ્તાન હ્યુંડાઇ કંપની દ્વારા કશ્મીર મુદ્દે કરાયેલા ટ્વીટનો મામલે હિંમતનગરમાં VHP-બજરંગદળ દ્વારા વિરોધ કરાયો હતો. હ્યુંડાઇ કંપનીના શો-રૂમ સામે VHP-બજરંગદળના કાર્યકરોએ સ્ટીકર લગાવી સૂત્રોચ્ચાર કર્યા હતા. શો-રૂમ આગળ ચુસ્ત પોલીસ બંદોબસ્ત ગોઠવી દેવામાં આવ્યો હતો.

હ્યુન્ડાઈ ઈન્ડિયાએ ઢાંક પીછોડો કરવાનો પ્રયત્ન કર્યો
હ્યુન્ડાઈ પાકિસ્તાન ટ્વીટર હેન્ડલરથી આ ટ્વીટ થયું ત્યાર બાદ ભારતમાં લાખો લોકોએ હ્યુન્ડાઈ કંપનીનો વિરોધ કર્યો છે.હ્યુન્ડાઈ પાકિસ્તાન તરફથી થયેલા ટ્વીટમાં પાકિસ્તાન પ્રાયોજિત આતંકવાદને સમર્થન અપાયું હતું. કશ્મીરને ભારતથી તોડવાની પ્રાર્થના કરાઈ હતી અને ડલ સરોવરમાં બોટના ફોટો અને કશ્મીરના નામને કાંટાળા તાર સાથે દર્શાવ્યું હતું.. આ મામલે હવે દેશની જનતા ઈચ્છે છે કે હ્યુન્ડાઈ માફી માગે. ભારતમાં હ્યુન્ડાઈ કંપનીનો વિરોધ વધતા આખરે હ્યુન્ડાઈ ઈન્ડિયાએ ઢાંક પીછોડો કરવાનો પ્રયાસ કર્યો.

KFC ઇન્ડિયાએ માફી માગી
KFC પાકિસ્તાનના પોસ્ટમાં લખવામાં આવ્યું હતું કે આ કાશ્મીર એકતા દિવસ પર, અમે તેમના આઝાદીના અધિકાર માટે સાથે છીએ.KFC ઇન્ડિયાએ કહ્યું, "અમે દેશની બહાર કેટલીક કેએફસી સોશિયલ મીડિયા ચેનલો પર પ્રકાશિત પોસ્ટ માટે માફી માંગીએ છીએ. અમે ભારતનું સન્માન કરીએ છીએ અને તમામ ભારતીયોની સેવા કરવાની અમારી પ્રતિબદ્ધતામાં અડગ છીએ.