ભૂંડા હાલ! / કાશ્મીર મુદ્દે વિવાદિત પોસ્ટ બાદ ભારતમાં KFC નો સખત વિરોધ, માંગવી પડી માફી, જુઓ Pizza hut ની ચોખવટ

• કશ્મીરને લઇ KFCની પોસ્ટ પર વિવાદનો મામલો
• વિવાદ બાદ KFC દ્વારા માંગવામાં આવી માફી
• અમે આવી પોસ્ટનું સમર્થન નથી કરતા - પીઝા હટ

KFC Apologises On Kashmir Post: ત્વરિત સેવા રેસ્ટોરાં(ક્યુઆરએસ) શ્રુંખલા કેએફસીએ સોશિયલ મીડિયા પર કશ્મીર સંબંધી પોસ્ટને લઈને લોકોની નિરાશા બાદ સોમવારે માફી માંગી. સોશિયલ મીડિયા પર કંપનીની પાકિસ્તાન સ્થિત ફ્રેન્ચાઈઝીની પોસ્ટમાં કશ્મીરના અલગાવવાદીઓનું સમર્થન કરવામાં આવ્યું છે. ટવીટ્રર પર કેએફસી ઇન્ડિયાના અધિકારીક અકાઉન્ટ દ્વારા બહાર પડાયેલ સંદેશમાં કહેવામાં આવ્યું કે અમે એ પોસ્ટ માટે દિલથી માફી માંગીએ છીએ, જે દેશની બહારથી કેએફસીના અમુક સોશિયલ મીડિયા પર પ્રકાશિત થઇ હતી. અમે ભારતનું સમ્માન કરીએ છીએ તથા બધા ભારતીઓની ગર્વ સાથે સેવા કરવાના અમારા સંકલ્પથી પ્રતિબદ્ધ છીએ. 

KFC મુદ્દે પીઝા હટ દ્વારા પણ અપાઇ સફાઇ
અમે આવી પોસ્ટનું સમર્થન નથી કરતા. અમે કેએફસીનું સમર્થન નથી કરતા  - પીઝા હટ

કેએફસીનો ભારતમાં પ્રવેશ 
કેએફસીએ જૂન 1995 માં બેંગ્લોરમાં એક રેસ્ટોરાં ખોલીને અધિકારીક રીતે ભારતીય બજારમાં પ્રવેશ કર્યો હતો. હવે આ પોતાના ફ્રેન્ચાઈઝી ભાગીદારોના માધ્યમથી ભારતમાં 450થી પણ અધિક રેસ્ટોરાંનું સંચાલન કરે છે. 

હ્યુન્ડાઈ સાથે પણ બનેલ સમાન ઘટના 
આ પહેલા રવિવારે હ્યુન્ડાઈ મોટર્સને પણ આ જ પ્રકારની મુસીબતોનો સામનો કરવો પડ્યો હતો, જ્યારે એક પાકિસ્તાની ડીલરે સોશિયલ મીડિયા પર કશ્મીરી અલગાવવાદીઓનું સમર્થન કરતી પોસ્ટ કરી હતી. આ પોસ્ટ બાદ હ્યુન્ડાઈ મોટર્સ ઇન્ડિયાએ સોશિયલ મીડિયા પર એક સંદેશ જાહેર કરી સ્પષ્ટ કર્યું હતું કે તેઓ ભારતીય બજાર પ્રતિ પ્રતિબદ્ધ છે.