કામની વાત / ધ્યાન આપજો, 30 એપ્રિલ પહેલાં પતાવી લો આ 4 જરૂરી કામ, તમને જ થશે મોટો ફાયદો

• એપ્રિલ મહિનો પૂરો થવામાં બે જ દિવસ બાકી
• આ 4 કામ ફટાફટ પતાવી લો
• તમારા ફાયદા માટે કરી લો આ કામ

ફોર્મ 15 જી / 15 એચ સબમિટ કરો

ફોર્મ 15 એચ સિનિયર સિટીઝન્સે ભરવાનું હોય છે. ફોર્મ 15 જી જે 60 વર્ષથી ઓછી ઉંમરના લોકો છે તેમને ભરવાનું હોય છે. આ ફોર્મ આવશ્યક છે કારણ કે જો તમને ડિવિડન્ડ અથવા કોઈ વ્યાજ મળે છે, તો ટેક્સ ડિડક્શન એટ સોર્સ (ટીડીએસ) કપાતો નથી. જોકે, તેના ઘણાં નિયમો છે જે પૂર્ણ કરવા પડશે. 15 જી તમારે ફક્ત ત્યારે જ ભરવું પડશે જો તમારી વ્યાજની રકમ વાર્ષિક 2.5 લાખથી વધુ ન હોય અને કુલ આવક પરની ટેક્સની રકમ શૂન્ય હોય. જો કોઈ એક નાણાકીય વર્ષમાં તમારો કુલ અંદાજિત ટેક્સ શૂન્ય હોય તો 15 એચ ભરવામાં આવશે. બેંકોએ હવે આ ફોર્મ ઓનલાઇન જમા કરાવવાની મંજૂરી આપી દીધી છે.

ટેક્સનું આયોજન શરૂ કરો

ટેક્સનું પ્લાનિંગ સમયસર શરૂ કરવું જોઈએ. તેને ફક્ત વર્ષના અંતની એક્ટિવિટી તરીકે જોવું જોઈએ નહીં. સામાન્ય રીતે જોવામાં આવે છે કે લોકો નાણાકીય વર્ષના અંતિમ મહિનામાં ટેક્સ બચાવવા માટે રોકાણ કરે છે. તેથી અંતિમ સમયમાં ભાગદોડ કરવા કરતાં હવે અત્યારે જ તેની શરૂઆત કરવી જોઈએ. 

PPFમાં રોકાણ કરો

જો તમે પબ્લિક પ્રોવિડન્ટ ફંડ (પીપીએફ)માં રોકાણ કરવાનું વિચારી રહ્યા છો, તો તમને જણાવી દઈએ કે, પીપીએફ તમને વધારે રિટર્ન આપી શકે છે. જો તમારી પાસે પીપીએફ એકાઉન્ટ નથી, તો તમારે નવું પીપીએફ એકાઉન્ટ ખોલવું જોઈએ. આમાં તમને 7.1 ટકાના દરે વ્યાજ મળે છે અને તે કરમુક્ત છે. જો તમે હમણાં રોકાણ કરો છો તો તે વર્તમાન વ્યાજદર અનુસાર રોકાણ થઈ જશે અને અત્યારનું વ્યાજદર મળી રહેશે. 

જો જરૂરી હોય તો પીએફ યોગદાન બદલો

એપ્રિલ 2021થી, પીએફ નિયમોમાં મોટો ફેરફાર કરવામાં આવ્યો છે. 2021ના ​​સામાન્ય બજેટમાં નાણામંત્રી નિર્મલા સીતારામને વાર્ષિક 2.50 લાખ રૂપિયાથી વધુ ઇપીએફમાં જમા કરાવવા પર ટેક્સેબલ બનાવી દીધું હતું. એટલે કે, એક વર્ષમાં 2.5 લાખ રૂપિયાથી વધુ પીએફ કોન્ટ્રીબ્યૂશન પર મળનારા વ્યાજ પરના સામાન્ય દરથી ટેક્સ લેવામાં આવશે. તેથી જે ગ્રાહકો ઇપીએફ અથવા વીપીએફમાં 2.5 લાખ રૂપિયાથી વધુ યોગદાન આપી રહ્યા છે, તેઓએ વહેલી તકે આ વર્ષ માટે ફરીથી વિચાર કરવો જોઈએ.