ટ્રાવેલ / સુરતથી માત્ર 75 કિમી દૂર આવેલી આ જગ્યા પર બનાવો વન ડે પિકનિકનો પ્લાન, ફેમિલી સાથે જશો તો મજા પડી જશે 

• આ જગ્યા છે ફરવા માટે બેસ્ટ 
• વન ડે પિકનિક માટે બનાવો પ્લાન 
• શનિ-રવિની રજાઓમાં અહીં ફરવા જવાનો બનાવો પ્લાન 

ફરવા જવાનું મન થાય એટલે શહેરમાં વસતા લોકો કોઈ શાંત જગ્યા પસંદ કરતા હોય છે. જ્યાં શહેરના ઘોંઘાટથી દુર કોઈ કુદરતી વાતાવરણમાં સમય પસાર કરી શકાય. જ્યાં જઈને શાંતિનો અનુભવ થાય. મેગા સીટી જેવા કે સુરત, રાજકોટ, અમદાવાદ, વડોદરામાં આવી જગ્યાઓ ઓછી છે. હા તેના આસપાસના વિસ્તારોમાં તમને આવી શાંત જગ્યાઓ મળી શકે છે જ્યાં વન ડે પિકનિક ગોઠવી શકાય. આજે અમે તમને એક એવી જ જગ્યા વિશે જણાવવા જઈ રહ્યા છીએ જે વન ડે પીકનિક માટે બેસ્ટ રહેશે. ઉપરથી હવે શનિ-રવિની રજાઓ પણ આવી રહી છે. તો ફરવા જવાનું વિચારી રહ્યા હોવ તો આ જગ્યા નક્કી કરી લો. 

કુદરતી સૌંદર્ય મન મોહી લેશે 
સુરતથી ફક્ત 75.5 કિમીના અંતરે એક જગ્યા આવેલી છે જેનું નામ છે 'કેવડી ઈકો ટુરિઝમ કેમ્પસાઈટ' જે કુદરતી સૌંદર્યનો એક અદ્દભૂત ખજાનો છે. સુંદર ટેકરીઓ અને જંગલોની વચ્ચે આવેલું આ પર્યટન સ્થળ જતાની સાથે જ તમારી મન મોહી લેશે. દૂર દૂરથી પ્રવાસીઓ અહીં ફરવા માટે આવે છે. અહીંની પ્રકૃતિ અને શાંતિનો અનુભવ તમને એટલો સારો લાગશે કે તમે બીજી બધી જ ચિંતા કે ટેન્શન ભુલીને એક અલગ દુનિયાનો અનુભવ કરી રહ્યા હોય  તેવો અહેસાસ થશે.  

Main attraction of the Kevdi #Eco Campsite, #Vadodara is the flying squirrel which can be spotted in the evening. pic.twitter.com/tqOMTUQ5Fw

— Gujarat Tourism (@GujaratTourism) July 8, 2016

ફેમિલી સાથે જશો તો મજા પડી જશે 
કેવડી ઈકો ટુરિઝમ કેમ્પસાઈટ સુરતથી માત્ર 75 કિમીના અંતરે આવેલું છે ત્યાં તમે પોતાની કાર લઈને જઈ શકો છો. અને જો ફુલ ફેમીલી લઈને જવું હોય તો મીની ટ્રાવેલર કરીને પણ સરળતાથી જઈ શકો છો. આ વન ડે પિકનિક તમને રૂટીન લાઈફમાંથી થોડો ચેન્જ આપશે તેની ગેરેન્ટી છે.