અમદાવાદ મ્યુનિસિપલ કોર્પોરેશન દ્વારા પેપર કપ પર પ્રતિબંધ ફરમાવ્યો છે. ત્યારે પેપર કપ મામલે સત્તાધિશો અસમંજસ પરિસ્થિતિમાં છે.
AMC દ્વારા પેપર કપ પ્રતિબંધનો મામલો
પેપર કપ મામલે સત્તધિશો અસમંજસમાં
કમિશનર પાસે સ્વતંત્ર નિર્ણય લેવાની સત્તા છે - મેયર
અમદાવાદ મ્યુનિસિપલ કોર્પોરેશન દ્વારા પેપર કપ પર પ્રતિબંધ ફરમાવ્યો છે. ત્યારે પેપર કપ મામલે સત્તાધિશો અસમંજસ પરિસ્થિતિમાં છે. પેપર કપ પર પ્રતિબંધનો નિર્ણય કમિશ્નર દ્વારા લેવામાં આવ્યો છે તેમ મેયરે જણાવ્યું હતું. કેચપિટોની સફાઈ દરમિયાન પેપર કપ વધુ દેખાતા કમિશ્નર દ્વારા નિર્ણય લેવામાં આવ્યો છે. ત્યારે આ બાબતે મેયરે જણાવ્યું હતું કે કમિશ્નર પાસે નિર્ણય લેવાની સ્વતંત્ર સત્તા છે આવતીકાલથી શહેરમાં પેપર કપ મામલે તંત્ર કાર્યવાહિ કરશે. ત્યારે હાલ કમિશ્નર જાપાન પ્રવાસે છે. સ્વચ્છતાના રાઉન્ડ દરમિયાન આ નિર્ણય લેવામાં આવ્યો છે.
અમદાવાદ મ્યુનિસિપલ કોર્પોરેશને ચા માટે વપરાતા પેપર કપ પર પ્રતિબંધ લગાવી દીધો
અમદાવાદ મ્યુનિસિપલ કોર્પોરેશને ચા માટે વપરાતા પેપર કપ પર પ્રતિબંધ લગાવી દીધો છે. મ્યુનિસિપલ કોર્પોરેશનનું કહેવું છે કે, પેપર કપમાં અંદર લગાવાતું પડ આરોગ્ય માટે જોખમી છે. સાથે જ કીટલી પર ચા માટે વપરાતા પેપર કપથી કચરો ફેલાય છે. જે સ્થળો પર કરચો વધારો ઉત્પન્ન થતો હોય તેવા સ્થળોનો સર્વે કોર્પોરેશન દ્વારા કરાયો હતો. જેમાં કચરાનું વધુ સર્જન ચાના પેપર કપના કારણે થતું હોવાનું જાણવા મળ્યું હતું.
કીટલીઓ સામે ઝુંબેશ ચાલુ કરશે AMC
AMCએ શહેરમાં ચાના પેપર કપ પર પણ પ્રતિબંધ લાદ્યો છે. મ્યુનિસિપલ કોર્પોરેશન આવા પેપર કપનો ઉપયોગ કરતી કીટલીઓ સામે ઝુંબેશ ચાલુ કરશે. આગામી દિવસોમાં કોર્પોરેશનની ટીમ શહેરભરમાં આવેલી કીટલીઓ પર તપાસ હાથ ધરશે, આ દરમિયાન પેપર કપનો ઉપયોગ થતો જણાશે તો ચાલક સામે કાર્યવાહી કરવામાં આવશે.
કાચના કપ અથવા કુલડીમાં આપવી પડશે ચા
AMC દ્વારા કરાવામાં આવેલા સર્વેમાં સામે આ પ્રકારે ચાના નાના કપ કે પ્યાલીઓને કારણે જાહેર રોડ પર કચરો વધુ થતો હોવાનું જાણવા મળ્યું છે. સાથે જ કેટલીક જગ્યાએ ચાની કીટલીઓ પર રોડની બાજુએ આવેલી ગટરોમાં પેપર કપ નાખી દેવાતા હોવાથી ગટર ઊભરાવાની અને ચોકઅપ થઈ જવાની અનેક ફરિયાદો મળતી હતી. જેને ધ્યાનમાં રાખીને ચાની શહેરમાં આવેલી ચાની કીટલીઓ પર પેપર કપમાં ચા આપવાનું બંધ કરાવવામાં આવશે. પેપર કપના બદલે ચાની કીટલીવાળાએ કાચના કપ અથવા કુલડીમાં ચા આપવી પડશે.
IIT ખડગપુરના વૈજ્ઞાનિકોએ કર્યો હતો મોટો ખુલાસો
પ્લાસ્ટિકના ગ્લાસને આરોગ્ય માટે જોખમી ગણાવીને, આપણા બધાએ કાગળના કપમાં ચા પીવાનું શરૂ કર્યું છે, પરંતુ સત્ય એ છે કે ડિસ્પોઝેબલ કાગળના કપમાં રાખેલી ચા પણ તમારું આરોગ્ય બગાડી શકે છે. આઈઆઈટી ખડગપુરના વૈજ્ઞાનિકોએ મોટો ખુલાસો કર્યો હતો. જે મુજબ જો કોઈ વ્યક્તિ રોજ કાગળના કપમાં સરેરાશ ત્રણ વખત ચા અથવા કોફી પીવે છે, તો તે 75,000 નાના માઇક્રો-પ્લાસ્ટિક કણો ગળી જાય છે.
દેશમાં પ્રથમ વખત કરાયું હતું આ પ્રકારનું સંશોધન
પ્રોફેસર સુધા ગોયલે કહ્યું હતું કે, 'અમારા સંશોધન મુજબ કાગળના કપમાં મૂકવામાં આવેલ 100 મિલી હોટ લિક્વિડ (85-90 ઓસી) 25,000 માઇક્રોન-સાઇઝ (10 µm થી 1000 µm) માઇક્રો-પ્લાસ્ટિક કણો છોડે છે અને આ પ્રક્રિયા કુલ 15 મિનિટમાં સમાપ્ત થાય છે.'