ટેલિવૂડ / તારક મહેતામાં આ ખાસ રોલમાં જોવા મળી શકે છે જાણીતી એક્ટ્રેસ કેતકી દવે, અભિનેત્રીએ પોતે કહી આ વાત

• તારક મહેતા શો 12 વર્ષથી દર્શકોનું મનોરંજન કરી રહ્યું છે
• શોના કલાકારો પોતાની એક્ટિંગ અને કોમેડીને કારણે ખૂબ જ લોકપ્રિય છે
• શોમાં લાંબા સમયથી દયાબેનની વાપસીની રાહ જોવાઈ રહી છે

આ શોના તમામ કલાકાર પોતાની એક્ટિંગ અને કોમેડીને કારણે ખૂબ જ લોકપ્રિય છે. ત્યારે શોમાં જેઠાલાલ અને તેના પરિવાર પર અવારનવાર કોઈને કોઈ મુશ્કેલી, ટ્વિસ્ટ અને ટર્ન્સ આવતા રહે છે. એવામાં અત્યારે તો ફેન્સ લાંબા સમયથી દયાબેનની વાપસીની આતુરતાથી રાહ જોઈ રહ્યાં છે. જોકે, હવે શોમાં દયાબેનની વાપસી થશે કે નહીં એ અંગે કોઈ સમાચાર સામે આવી રહ્યાં નથી. એવામાં હવે શોમાં જબરદસ્ત ટ્વિસ્ટ આવી શકે છે. 

શોના લગભગ દરેક એપિસોડમાં દયાબેનની માતાનો ઉલ્લેખ કોઈને કોઈ વાત પર થતો હોય છે. દયાબેન ઘણીવાર તેની માતા સાથે વાત કરતી જોવા મળી હતી પરંતુ આજ સુધી ન તો તેમનો ચહેરો જોવા મળ્યો ન તો તે જેઠાલાલના ઘરે ક્યારેય જોવા મળ્યા. જોકે, જેઠાલાલની સાસુ તેને અલગ અલગ નામોથી બોલાવે છે. આ કારણી જેઠાલાલ તેની સાસુથી ચિડાય છે. તો હવે એવા સમાચાર છે કે આવનારા એપિસોડમાં જેઠાલાલની સાસુ એટલે કે દાયબેનની મા જોવા મળી શકે છે. હકીકતમાં પ્રખ્યાત અભિનેત્રી કેતકી દવે જેઠાલાલની સાસુની ભૂમિકા નિભાવવા માંગે છે.

હાલમાં જ એક ઈન્ટરવ્યૂમાં કેતકી દવેએ કહ્યું હતું કે, જો તેને જેઠાલાલની સાસુનો રોલ ઓફર થશે તો એ તેને જરૂર કરશે. જોકે, એવા ખોટાં સમાચારો સામે આવ્યા હતા કે કેદકી દવે તારક મહેતા કા ઉલ્ટા ચશ્મા શોમાં જેઠાલાલની સાસુનો રોલ પ્લે કરવાની છે. તમને જણાવી દઈએ કે, કેતકી દવે અનેક ટીવી શો અને ફિલ્મોમાં કામ કરી ચૂકી છે. પોતાના અભિનયથી તે લોકોને પેટ પકડીને હસાવે છે. જે ગુજરાતી સિનેમામાં પણ કામ કરી ચૂકી છે. સાથે જ તેની એક્ટિંગમાં દયાબેનનો અંદાજ ઘણો મળે છે. જેથી તે આ રોલ માટે શો મેકર્સની પહેલી પસંદ બની શકે છે.