વેસ્ટ ઈન્ડીઝ સામેની બીજી ટી-20 મેચમાં કેપ્ટન વિરાટ કોહલી ખાસ કંઈ કમાલ દેખાડી શક્યો નહીં અને 19 રને આઉટ થઈ ગયો. આ મેચમાં કોહલીને એ જ બોલરે આઉટ કર્યો જેના નામે કોહલીએ ગત મેચમાં નોટબુક ઉત્સવ મનાવ્યો હતો. તે ક્રિકેટરનું નામ છે કેસરિક વિલિયમ્સ. હકીકતમાં હૈદરાબાદમાં રમાયેલી પ્રથમ ટી-20 મેચમાં વિરાટ કોહલીએ કેસરિક વિલિયમ્સને આઉટ કરી નોટબુક ઉત્સવ મનાવ્યો હતો અને વેસ્ટઈન્ડીઝના બોલર કેસરિક વિલિયમ્સથી 2 વર્ષ જુનો હિસાબ બરાબર કર્યો હતો.
કેસરિક વિલિયમ્સે વિરાટ કોહલીને આઉટ કરી લીધો બદલો
કોહલીએ ગત મેચમાં કર્યું હતું પરચી ફાડવાનું સેલિબ્રેશન
કેસરિક વિલિયમ્સે વિરાટ કોહલીને આઉટ કરીને બદલો લીધો
આ મેચમાં કેસરિક વિલિયમ્સે પણ વિરાટ કોહલીને આઉટ કરીને બદલો લીધો હતો. કેસરિક વિલિયમ્સે તિરુવનંતપુરમાં રમાયેલી બીજી ટી-20 મેચમાં ભારતીય ઈનિંગ્સ દરમ્યાન 14મા ઓવરના બીજા બોલમાં વિરાટ કોહલીને લેન્ડલ સિમંસ દ્વારા કેચ આઉટ કરાવી દીધો.
કોહલીને આઉટ કર્યા બાદ કેસરિક વિલિયમ્સે તેના મોં પર આંગળી રાખતા વિરાટ તરફ ઈશારો કર્યો હતો. કેસરિક વિલિયમ્સે આ રીતે કોહલીથી પરચી ફાડવાના સેલિબ્રેશનનો બદલો લીધો હતો. કેસરિક વિલિયમ્સે વિરાટ કોહલીને જવાબ આપતાં મોં બંધ રાખવાનું રિએક્શન આપ્યું હતું.
હૈદરાબાદમાં રમાયેલી છેલ્લી મેચમાં કોહલી ભારતને જીત અપાવવાના સંકલ્પ સાથે બેટિંગ કરવા ઉતર્યો હતો. કોહલીએ વેસ્ટઈન્ડીઝના 208 રનના ટાર્ગેટને બ્રેક કરવા માટે એડી ચોટીનો જોર લગાવી દીધો હતો. તેની 94 રનની તોફાની ઈનિંગ્સ દરમિયાન તેને ત્યારે બહુ જ ગુસ્સો આવ્યો જ્યારે પિચની વચ્ચે મેચના 13મા ઓવરમાં કેસરિસની કોહલી સાથે ટક્કર થઈ. તે મેચમાં 13મા ઓવરમાં કોહલી અને કેસરિક વિલિયમ્સ અડધી પિચ પર લગભગ એકબીજાની સામસામે આવી ગયા હતા.
કોહલીએ તરત જ એમ્પાયરને ફરિયાદ કરી. વિલિયમ્સએ એમ્પાયરથી માફી માગી હતી. જોકે, કોહલી ઘણો જ આક્રમક હતો. કોહલીએ વિલિયમ્સની આગામી ઓવરમાં ધમાકેદાર બેટિંગ કરી હતી. ભારતને (16મા ઓવરમાં) હજી 30 બોલ પર 54 રન જોઈતા હતા. એ ઓવરના પહેલાં બોલને કોહલીએ બોલરના માથા પરથી ઉછાળ્યો અને ચોગ્ગો માર્યો. આગામી બોલ પર ફ્લિક કરીને કોહલીએ લેગ સાઈડ હીટ કરી છગ્ગો માર્યો, જેને જોઈને બધાં આશ્ચર્યમાં મૂકાઈ ગયા હતા. કોહલીએ 'નોટબુક ઉત્સવ' મનાવ્યો. જેના કારણે હૈદરાબાદમાં હાજર ભીડ રોમાંચિત થઈ ગઈ હતી. તમને જણાવી દઈએ કે વર્ષ 2017માં કેસરિક વિલિયમ્સે કોહલીને આઉટ કરી આ રીતે જ સેલિબ્રેટ કર્યું હતું, જેને કોહલી ભૂલી શક્યો નહોતો.