અનોખા મનામણા / ભાઈની બેની લાડકી ! નાના ભાઈને મનાવવા બહેને કર્યું એવું કામ કે થયો વર્લ્ડ રેકોર્ડ, જાણો રસપ્રદ મામલો

• કેરળના ઈડ્ડુકીની મજેદાર ઘટના
• બ્રધર્સ ડે પર બહેને વિશ ન કરતા ભાઈ થયો નારાજ
• વોટ્સએપ પર કરી દીધી બ્લોક
• નારાજ ભાઈને મનાવવા બહેન લખ્યો 434 મીટર લાંબો પત્ર 

ભાઈ અને બહેન વચ્ચે હંમેશા મીઠી રકઝક ચાલતી રહેતી હોય છે અને આ મીઠી રકઝક તેમની વચ્ચેના પ્રેમ અને સ્નેહને છતો કરે છે. 
નાના ભાઈ નારાજ થાય તે બહેનને ન પરવડી શકે અને તેને મનાવવા માટે ક્યારેક અશક્ય લાગતું કામ પણ કરી નાખતી હોય છે, કેરળના ઈડ્ડીપીમાં બહેનના ભાઈ પ્રત્યેના પ્રેમને દર્શાવતી આવી જ એક ઘટના સામે આવી છે. વાત જાણે એમ છે કે ઈડ્ડીપીની કૃષ્ણપ્રિયા નામની એન્જિનિયરે મહિલાએ પોતાના નાના ભાઈની માફી માગવા માટે બિલિંગ રોલ પર 434 મીટર લાંબો પત્ર લખ્યો જેનો વજન 5 કિલો છે. કૃષ્ણપ્રિયાનો દાવો છે કે તેને આ પત્ર લખતમાં 12 કલાકનો સમય લાગ્યો હતો. 

બહેન 'બર્થ ડે' વિશ કરવાનું ભૂલી ગઈ
કૃષ્ણપ્રિયાના જણાવ્યા અનુસાર, તે આ વર્ષે 'ઈન્ટરનેશનલ બ્રધર્સ ડે' પર તેના નાના કૃષ્ણ પ્રસાદને શુભેચ્છા આપવાનું ભૂલી ગઈ હતી. કદાચ આનાથી નારાજ થઈને તેણે તેમને વોટ્સએપ પર બ્લોક કરી દીધા હતા. આ પછી તેણે તેના ભાઈને એક લાંબો અને ભારે પત્ર લખ્યો. યુનિવર્સલ રેકોર્ડ ફોરમ અનુસાર, કૃષ્ણપ્રિયાએ અત્યાર સુધીનો સૌથી લાંબો પત્ર લખ્યો છે.

ભાઈના મેસેજનો જવાબ ન આપ્યો

કૃષ્ણપ્રસાદે તેની બહેનને કેટલાક સંદેશા મોકલ્યા હતા. તેણે તેના પર ધ્યાન ન આપ્યું. પાછળથી, તેણીએ તેમને જણાવવા માટે કેટલાક સ્ક્રીનશોટ પણ મોકલ્યા કે અન્ય લોકોએ તેણીને બ્રધર્સ ડેની શુભેચ્છા પાઠવી. જ્યારે બહેને તેમના સંદેશાઓનો જવાબ આપ્યો ન હતો અથવા તેમને બ્રધર્સ ડેની શુભેચ્છા પાઠવી ન હતી, ત્યારે તેણે તેમને વોટ્સએપ પર બ્લોક કરી દીધા હતા.

ભાઈએ વોટ્સએપ પર બહેનને કરી બ્લોક 
બહેને કહ્યું  હું તેને શુભેચ્છા આપવાનું ભૂલી ગઈ હતી.  સામાન્ય રીતે 'બ્રધર્સ ડે' પર હું તેને ફોન કરતી અને તેને અભિનંદનના મેસેજ મોકલતી હતી  પરંતુ આ વર્ષે મારા વ્યસ્ત સમયપત્રકને કારણે તે મારા મગજમાંથી નીકળી ગયું. મેં જોયું કે તેણે મને અન્ય લોકોની શુભેચ્છાઓના સ્ક્રીનશૉટ્સ મોકલ્યા છે. અમારો સંબંધ મા-દીકરા જેવો છે. પરંતુ મને દુઃખ થયું કે તેણે મારી સાથે વાત કરવાનું બંધ કરી દીધું. મને વોટ્સએપ પર પણ બ્લોક કરી દીધી. 

5 રોલ પેપરમાં લખેલી દિલ કી બાત
કૃષ્ણપ્રિયાએ 25 મી મેના રોજ પત્ર લખવાનું શરૂ કર્યું. પહેલા તેણે લખવા માટે A4 સાઈઝનો કાગળ લીધો. પણ ટૂંક સમયમાં જ તેને સમજાયું કે તેની લાગણી સામે પેપર ટૂંકું પડી જશે. લાંબો કાગળ ન મળતાં તેણે બિલિંગ રોલ પર જ પત્રો લખવાનું શરૂ કર્યું. તેણે 15 રોલ્સ ખરીદ્યા અને તે બધા પર તેનું હૃદય લખ્યું, જેમાં તેને 12 કલાકનો સમય લાગ્યો.

અત્યાર સુધીનો સૌથી લાંબો પત્ર!

પત્ર પેક કરવાનું તેમના માટે કપરું કામ હતું. કારણ કે દરેક રોલની લંબાઈ લગભગ 30 મીટર હતી. આવી સ્થિતિમાં, તેણે કોઈક રીતે તે પત્ર એક બોક્સમાં પેક કર્યો. પોસ્ટ ઓફિસે પણ 5.27 કિલો વજન ધરાવતા બોક્સને કોઈ સમસ્યા વિના લઈ લીધું. જ્યારે તેના ભાઈ કૃષ્ણપ્રસાદને બે દિવસ પછી પત્ર મળ્યો, ત્યારે તેણે વિચાર્યું કે તે તેના જન્મદિવસની ભેટ છે. કૃષ્ણપ્રિયા ગિનીસ વર્લ્ડ રેકોર્ડ માટે અરજી કરી ચૂકી છે. કારણ કે તેઓ માને છે કે તે અત્યાર સુધીનો સૌથી લાંબો પત્ર છે.