દક્ષિણના રાજ્ય કેરળમાં સતત વરસાદને કારણે નદીઓમાં પૂર આવ્યું છે. તો ઘણી જગ્યાએ ભૂસ્ખલનને કારણે પરિસ્થિતિ બેકાબૂ બની રહી છે.
કેરલમાં ભારે વરસાદ જનજીવસ અસ્તવ્યસ્ત
કેરલના 5 જિલ્લામાં રેડ અલર્ટ
પૂર અને લેંડસ્લાઈડથી 6 લોકોના મૃત્યુ
પ્રાપ્ત થયેલી માહિતી અનુસાર, કોટ્ટાયમમાં 6 મૃતદેહો મળી આવ્યા છે જ્યારે 4 હજુ પણ ગુમ છે. કેરળમાં આકાશ આફતે તારાજી સર્જીને ઘણા લોકોને બેઘર કર્યા છે. અરબી સમુદ્રમાં લો પ્રેશર વિસ્તાર કેરળ કિનારે પહોંચી ગયો છે, જેના કારણે દક્ષિણ અને મધ્ય કેરળમાં ભારે વરસાદ થયો છે. વરસાદને કારણે ત્રિવેન્દ્રમ, કોલ્લમ, પદ્મિટ્ટા, કોટ્ટાયમ, ઇડુક્કીમાં નદીઓ, નહેરો તૂટી છે.
#WATCH | Flood like situation in Ranni town of Pathanamthitta district in Kerala due to heavy rain followed by low-pressure formations in the southeast of the Arabian Sea off the coast of Kerala pic.twitter.com/cjgGZ7xtBy
કેરળમાં ભારે વરસાદને કારણે ઘણા વિસ્તારોમાં રેડ અને ઓરેન્જ એલર્ટ જાહેર કરવામાં આવ્યું છે. રાજ્યના પાંચ જિલ્લાઓમાં ભારે વરસાદની સંભાવનાને જોતા હવામાન વિભાગના અધિકારીઓએ રેડ એલર્ટ જારી કર્યું છે. હવામાન વિભાગના જણાવ્યા અનુસાર પદનમટિટ્ટા, એર્નાકુલમ, કોટ્ટાયમ, ઇડુક્કી, ત્રિશૂરમાં રેડ એલર્ટ જાહેર કરવામાં આવ્યું છે. આ રેડ એલર્ટ આગામી બે દિવસ માટે જારી કરવામાં આવ્યું છે. આ સાથે જ વરસાદને લઈને કેટલાક વિસ્તારોમાં ઓરેન્જ એલર્ટ પણ જાહેર કરવામાં આવ્યું છે. આ જિલ્લાઓ ત્રિવેન્દ્રમ, કોલ્લમ, અલ્પુલા, પલક્કડ, મલપ્પુરમ, કોલિકોડ અને વાયનાડ છે જેના પર ઓરેન્જ એલર્ટ જાહેર કરવામાં આવ્યું છે.
હવામાન વિભાગે કેરળમાં ભારે વરસાદની આગાહી
ગુજરાત સહિત ભારતભરમાં મેઘરાજાએ વિદાય લીધી છે પરંતુ દક્ષિણનાં રાજ્ય કેરળમાં હજુ પણ જળતાંડવ જોવા મળી રહ્યો છે. આજે પણ કેરળના કેટલાય જિલ્લાઓમાં ભારે વરસાદનાં કારણે વાહનો તણાઇ ગયા હોવાની ઘટના સામે આવી છે. ભારે વરસાદનાં કારણે જનતા પરેશાન છે ત્યાં હજુ પણ આ વરસાદ વધે તેવી આગાહી કરવામાં આવી છે.
મુખ્યમંત્રીએ પણ લોકોને સાવધાન રહેવાની અપીલ
હવામાન વિભાગ દ્વારા અલર્ટ બાદ મુખ્યમંત્રી પણ એક્શન મોડમાં આવ્યા છે. મુખ્યમંત્રી કાર્યાલય દ્વારા પણ ચેતવણી પત્ર જાહેર કરવામાં આવ્યું છે. મુખ્યમંત્રીએ લોકોને સાવધાન રહેવા તથા પર્વતો અને નદીઓની પાસે ન જવા માટે અપીલ કરવામાં આવી છે.