કેરળમાં સંબંધોની હત્યા કરી હોય તેવો મામલો સામે આવ્યો છે. અહીં એક માં પોતાની દીકરીની અસ્મિતાની દુશ્મન બની ગઇ. કોર્ટે એક 50 વર્ષીય મહિલાને 10 વર્ષની આકરી કેદની સજા સંભળાવી છે. આરોપ છે કે મહિલાએ વારંવાર પોતાની 16 વર્ષની દીકરીના બળાત્કાર માટે આરોપીને ઉકસાવ્યા હતા.
કોર્ટે દોષિત થયેલા આરોપીઓ પર લાખો રૂપિયાનો દંડ પણ ફટકાર્યો છે. એક વેબસાઈટ મુજબ, મુવત્તુપુઝામાંથી કાયનાડૂ મૂળની એક મહિલા અને તેના 36 વર્ષીય મિત્ર અરૂણ કુમારે મામલાને દોષિ ઠેરવ્યો છે. મહિલાને 10 વર્ષની આકરી સજા સિવાય કુમારને પણ 20 વર્ષની જેલની સજા સંભળાવી છે અને 2 લાખ રૂપિયાના દંડનો આદેશ આપ્યો છે. કોર્ટે કહ્યું કે મહિલાને કોઈ પણ પ્રકારની હળવાશનો અધિકાર નથી.
દીકરી સાથે અનેક વખત બળાત્કાર કરવામાં આવ્યો
રિપોર્ટ મુજબ, માર્ચ 2017થી લઇને ઓગષ્ટ 2017ની વચ્ચે દીકરી સાથે અનેક વખત બળાત્કાર કરવામાં આવ્યો. કુમાર નિયમિત રીતે તેની પાસે આવતો હતો અને તે સગીરાને ઇડુક્કીમાં પલ્લીવસલ લઇને ગયો. જ્યાં તેની જાતિય સતામણી કરવામાં આવી. તપાસ દરમ્યાન સામે આવ્યું કે આ કામ માટે તેની માંએ કુમારને ઉકસાવ્યો હતો. કોર્ટે કહ્યું, તે એક દીકરીની માતા છે. તેણે તેનું રક્ષણ કરવુ જોઈએ. પરંતુ માતા પણ ઉકસાવનારા લોકોની કતારમાં આવીને ઉભી રહી ગઇ. માતા અને તેના મિત્રને IPC, POCSO એક્ટ અને કિશોર ન્યાયની કલમ હેઠળ ગંભીર ગુના માટે દોષી ઠેરવવામાં આવ્યાં છે. દોષિતો તરફથી મળનારી રકમને પીડિતાને આપવામાં આવશે.