કોર્ટ / કેરળ હાઇકોર્ટે સરકારી કર્મચારીઓની સેલરી કાપના આદેશ પર લગાવી રોક

• કેરળ હાઇકોર્ટે મંગળવારે રાજ્ય સરકારના આદેશ પર રોક લગાવી
• રાજ્ય સરકારે સરકારી કર્મચારીઓની સેલરી દર મહીને 6 દિવસો માટે કાપનો આદેશ આપ્યો હતો

23 એપ્રિલે જાહેર એક આદેશમાં નાણા વિભાગે કહ્યું હતું કે 20,000 રૂપિયા મહીને કે તેથી વધારે વેતન વાળા સરકારી અને સરકારી સ્વાયત્ત એકમના તમામ કર્મચારીઓના માસિક વેતનના 6 દિવસની ચૂકવણી એપ્રિલ 2020થી આવનારા 5 મહીના સુધી સ્થગિત કરવામાં આવે છે. 

રાજ્ય સરકારના આ આદેશને ઘણી સંસ્થાઓ અને કર્મચારીઓના સંગઠનોએ હાઇકોર્ટમાં પડકાર્યો હતો. તેના પર સુનાવણી કરતા જસ્ટિસ બેચૂ કુરિયન થૉમસની એકલ પીઠે કહ્યું કે આ આદેશ, પ્રથમ દ્રષ્ટીએ કાયદાની કોઇ જોગવાઇ દ્વારા સમર્થિત નથી. 

જસ્ટિસ બેચૂ કુરિયન થૉમસે કહ્યું કે કરવામાં આવેલા કામનું વેતન મેળવવાનો દરેક વ્યક્તિનો અધિકાર છે. કોર્ટે રાજ્ય સરકારના એ તર્કનો સ્વીકાર નથી કર્યો કે સેલેરી રોકવાની શક્તિ તેને ડિઝાસ્ટર મેનેજમેન્ટ અધિનિયમ 2005 અને મહામારી રોગ અધિનિયમ 1897 દ્વારા પ્રાપ્ત થઇ છે.