મહિલા સુરક્ષા / હાઈકોર્ટનો મોટો ચુકાદો: ફિલ્મ ઈંડસ્ટ્રીમાં મહિલાઓને મળશે મોટી સુરક્ષા, આ કામ ફરજિયાત કરવા પડશે

• કેરલ હાઈકોર્ટનો મોટો નિર્ણય
• મહિલાઓ વિરુદ્ધ અપરાધ રોકવા આદેશ
• આ એક્ટ લાગૂ કરવા પડશે

ફિલ્મ ઈંડસ્ટ્રીમાં મહિલાઓ વિરુદ્ધ અપરાધને રોકવાની દિશામાં કેરલ હાઈકોર્ટે એક નિર્ણાયક ચુકાદો આપ્યો છે. કોર્ટે ફિલ્મ પ્રોડક્શન કંપનીઓમાં કાર્યસ્થળ પર મહિલાઓના યૌન ઉત્પીડન અધિનિયમ, 2013 એટલે કે,  POSH એક્ટ લાગૂ કરવાનો નિર્દેશ આપ્યો છે. તે અંતર્ગત આ તમામ પ્રોડક્શન કંપનીઓમાં 10 અથવા તેનાથી વધારે લોકો કામ કરે છે. આંતરિક ફરિયાદ સમિતિ (ICC)નું ગઠન કરવાનો પણ આદેશ આપ્યો છે. આ નિર્ણય વીમેન ઈન સિનેમા કલેક્ટિવની અરજી પર આવ્યો છે. 

જ્યાં 10 લોકો કામ કરે છે આ કામ કરવા પડશે

બાર એન્ડ બેંચના રિપોર્ટમાં જણાવ્યા અનુસાર મુખ્ય ન્યાયાધીશ એસ મણિકુમાર અને ન્યાયમૂર્તિ શાજી પી ચાલીની પીઠે આ આદેશ આપ્યો છે. અરજીમાં રાજનૈતિક પાર્ટીઓને પણ આ સંબંધમાં નિર્દેશિત કરવાની અપલી કરવામાં આવી હતી. પણ પીઠે કહ્યું કે, જે રાજકીય પાર્ટીઓ કર્મચારી રાખતી નથી અથવા કર્મચારીઓનો પાર્ટી સાથે સીધો સંબંધ નથી, તેમને આઈસીસી ગઠન કરવાની જરૂર નથી. પણ મોટા પ્રોડક્શન હાઉસ ઉપરાંત ફિલ્મ ઈંડસ્ટ્રી સાથે જોડાયેલા સંગઠનો જેમણે ઓફિસો ખોલી છે, જ્યાં ઓછામાં ઓછા 10 લોકો કામ કરે છે અથવા તો જ્યાં મહિલા કર્મચારી છે, તેમને ICCનું ગઠન કરવાનું રહેશે. પીઠે કહ્યું કે, POSH એક્ટના સેક્શન 6 અને 9 અંતર્ગત ફરિયાદ નિવારણ માટે આ જરૂરી છે. 

મહિલાઓના આત્મવિશ્વાસને વધારશે

આ અગાઉ કેરલ મહિલા આયોગે હાઈકોર્ટને જણાવ્યું હતું કે, તેણે મલયાલમ ફિલ્મ ઈંડસ્ટ્રીમાં આઈસીસી ગઠિત કરવા અને કાયદાનું પાલન કરવા માટે રાજ્ય સરકારને કહ્યું હતું. Prevention of Sexual Harassment (POSH) કાર્યસ્થળ પર મહિલાઓના યૌન શોષણ અને અપરાધો  વિરુદ્ધ બનાવામાં આવ્યો હતો. હાઈકોર્ટના જણાવ્યા અનુસાર ICCનું ગઠન કોઈ પણ ફિલ્મ ઈંડસ્ટ્રીઝ સાથે જોડાયેલી મહિલાના આત્મવિશ્વાસને વધારશે.