કેરલ હાઈકોર્ટે બાળકીઓમાં ગર્ભવતી થવાના કેસોમાં થતાં વધારાને લઈને ચિંતા વ્યક્ત કરી છે.
કેરલ હાઈકોર્ટે મહત્વની ટિપ્પણી કરી
સગીરાને અબોર્શનની આપી મંજૂરી
ઈન્ટરનેટના રવાડે ચડવાના કારણે આવા કેસો વધ્યા
કેરલ હાઈકોર્ટે બાળકીઓમાં ગર્ભવતી થવાના કેસોમાં થતાં વધારાને લઈને ચિંતા વ્યક્ત કરી છે. કોર્ટે સગીર બાળકીઓ પ્રેગ્નેટ થવાના કિસ્સા પાછળ ઓનલાઈન પોર્ન કંટેંટને જવાબદાર ગણાવ્યું છે. હાઈકોર્ટે કહ્યું કે, ઈન્ટરનેટ દ્વારા બાળકોને ખોટી વસ્તુઓ મળી રહી છે. એટલા માેટ ઈન્ટરનેટના સુરક્ષિત ઉપયોગ વિશે જાગૃત કરવા જરૂરી છે.
હકીકતમાં જોઈએ તો, હાઈકોર્ટે 13 વર્ષની છોકરીના ગર્ભપાતની મંજૂરી આપતા આ વાત કહી હતી. પીડિતાના પિતાએ અરજી દાખલ કરીને કોર્ટ પાસેથી સગીર બાળકીના 30 અઠવાડીયાના ગર્ભને મેડિકલ ગર્ભપાતની મંજૂરી માગી હતી. જેને કોર્ટે મંજૂરી આપી દીધી હતી. કોર્ટે સરકારી હોસ્પિટલમાં સગીરાનો ગર્ભપાત કરવાની મંજૂરી આપી હતી. સાથે જ કોર્ટે અરજીકર્તાને નિર્દેશ આપ્યા હતા કે, તેમણે એક અંડરટેકિંગ દાખલ કરવુ પડશે, જેમાં પીડિતાના પરિવારને જોખમ પર તેમના ગર્ભપાત કરવા સંબંધિત સ્વીકૃતિનો ઉલ્લેખ કરવામાં આવ્યો હોય.
સગીર ભાઈએ કરી દીધી પ્રેગ્નેટ
કોર્ટે કહ્યું કે, અવિશ્વસનિય પણ સત્ય એ છે કે, સગીર છોકરીને તેના ભાઈએ જ પ્રેગ્નેટ કરી છે. જે ખુદ પણ સગીર છે. અરજીમાં કહેવાયુ આવ્યું છે કે, સગીર છોકરીને પોતે પ્રેગ્નેટ હોવાની પણ ખબર નથી. આ તથ્ય ત્યારે સામે આવ્યું જ્યારે પેટમાં દુખાવો થયો અને બે મહિનાથી વધારે સમય સુધી પીરિયડ ન આવ્યું તો, સગીરની માતા તેને ડોક્ટર પાસે લઈ ગઈ. ડોક્ટરે તપાસ કરીને જણાવ્યું કે, છોકરી પ્રેગ્નેટ છે.
ઈન્ટરનેટ પર સરળતાથી મળી જાય છે અશ્લીલ સામગ્રી
જસ્ટિસ વીજી અરણે છોકરીના અબોર્શન પર નિર્ણય આપતા કહ્યું કે, સગીર ગર્ભવતી થતી હોવાના કિસ્સામાં વાત કરવી જરૂરી છે. તેમણે કહ્યું કે, હવે સમય આવી ગયો છે કે, આપણી શાળાઓમા આપવામા આવતા યૌન શિક્ષણ પર ફરી વાર વિચાર કરવો જોઈએ. બાળકોને ઈન્ટરનેટના સુરક્ષિત વપરાશન વિશે બતાવવું જોઈએ. કારણ કે, ઈન્ટરનેટ પર સરળતાથી પોર્ન સામગ્રી મળી જાય છે, જે યુવાનોના મગજ ખરાબ અસર ઊભી કરે છે. આપણે આપણા બાળકોને સુરક્ષિત રીતે ઈન્ટરનેટનો ઉપયોગ શિખવાડવો જોઈએ.