જસ્ટિસ / કેરળ હાઈકોર્ટનો મોટો ચુકાદો, લેસ્બિયન કપલને સાથે રહેવાની છૂટ આપી, પરિવારે કર્યાં આવા હાલ

• કેરળ હાઈકોર્ટનો ચુકાદો
•  લેસ્બિયન કપલને સાથે રહેવાની છૂટ આપી
• પરિવારે પાડ્યાં હતા વિખૂટા, ટોર્ચર કર્યું હતું

કેરળ હાઈકોર્ટે એક લેસ્બિયન કપલે મોટી મદદ પૂરી પાડી છે. લેસ્બિયન રિલેશનશીપમાં રહેલી અધિલા નસરીન દ્વારા દાખલ કરવામાં આવેલી અરજીની સુનાવણી પર ચુકાદો આપતા કેરળ હાઈકોર્ટે તેમને સાથે રહેવાની છૂટ આપી દીધી છે. 

નસરીને કોર્ટમાં કર્યો ચોંકાવનારો આરોપ 

કેસની સુનાવણી દરમિયાન અરજદાર અધિલા નસરીને જણાવ્યું હતું કે તેને  અને તેણીની પાર્ટનર ની ફાતિમા નૂરાને તેમના પરિવારો દ્વારા શારીરિક અને માનસિક ત્રાસ આપવામાં આવ્યો હતો અને તેમને એકલા પાડી દેવામાં આવ્યાં હતા. તેમણે કહ્યું હતું કે છ દિવસ પહેલા નૂરાનું તેના સંબંધીઓએ અપહરણ કર્યું હતું. નસરિને આરોપ લગાવ્યો હતો કે અલુવા તેની સાથે રહેવા આવેલી ફાતિમા નૂરાનું તેના પરિવારે અપહરણ કર્યું હતું અને તે મળી શકી ન હતી. ત્યાર બાદ મંગળવારે સવારે હાઇકોર્ટમાં હેબિયસ કોર્પસ દાખલ કરીને દાવો કરવામાં આવ્યો હતો કે નૂરા ગુમ થઇ ગઇ છે.

પુખ્ત વયના લોકોના સાથે રહેવાની મનાઈ નથી 
હાઈકોર્ટે સવારે આ અરજી પર વિચાર કરીને પોલીસને ફાતિમા નૂરાને કોર્ટમાં રજૂ કરવાનો આદેશ આપ્યો હતો. આ સાથે જ અરજદાર અધિલા નસરીનને પણ કોર્ટમાં બોલાવવામાં આવી હતી. જસ્ટિસ વિનોદ ચંદ્રનની ખંડપીઠે સ્પષ્ટતા કરી હતી કે પુખ્ત વયના લોકો માટે સાથે રહેવાની મનાઈ નથી. હાઈકોર્ટે અધિલા નસરીન દ્વારા દાખલ હેબિયસ કોર્પસ અરજીનો પણ નિકાલ કર્યો હતો.

Kerala HC allows lesbian couple to live together

Read @ANI Story | https://t.co/IlvZJRfIDN#keralahighcourt #LesbianCouple #HabeasCorpus pic.twitter.com/LQ99Z5irwy

— ANI Digital (@ani_digital) May 31, 2022

નસરીન અને નૂરા સ્કૂલના વખતથી રિલેશનશીપમાં છે 
22 વર્ષીય નસરીન અને 23 વર્ષીય નૂરા સાઉદી અરેબિયામાં સ્કૂલના દિવસોથી જ રિલેશનશિપમાં છે. પરંતુ તેમના સંબંધોનો તેમના માતાપિતાએ વિરોધ કર્યો હતો. ત્યાર બાદ ગ્રેજ્યુએશન બાદ કપલે સાથે રહેવાનું નક્કી કર્યું હતું અને સાથે રહેવાનું શરુ પણ કરી દીધું હતું પરંતુ બન્નેના પરિવારને તેમનું આ કામ પસંદ પડ્યું નહોતું એક દિવસે બન્નેના પરિવારે ભેગા મળીને નસરીન અને નૂરાનું અપહરણ કરી લીધું હતું અને તેમને શારીરિક અને માનસિક ટોર્ચર કર્યાં હતા. તેમને માર પણ મરાયો હોવાનો આરોપ લાગ્યા હતા.