ના હોય / હાઇકોર્ટે કેમ વિરાટ કોહલી અને તમન્ના ભાટિયાને નોટિસ મોકલી? કેપ્ટને બગાડી 'ગેમ'

• પિટિશનને આધારે મળી નોટીસ
• ત્રણ સેલીબ્રીટી પર કસ્યો હાઈકોર્ટે સકંજો
• ઓનલાઈન રમી ગેમના બ્રાન્ડ એમ્બેસડર બનવા બદલ મળી નોટીસ

સૂત્રોના જણાવ્યા પ્રમાણે કેરળ હાઈકોર્ટે એક પિટિશનના આધારે તમન્ના ભાટિયા, વિરાટ કોહલી અને અજુ વર્ગીનને ઓનલાઈન રમી ગેમના પ્રમોટ કરવા અને તેના બ્રાન્ડ એમ્બેસડર બનવા માટે નોટીસ આપી છે. કેરળ સરકારને પણ આ બાબતે જવાબ આપવા જણાવ્યું છે. આ નોટિસ ઓનલાઈન ગેમને રોકવાના પ્રયાસ અર્થે કરવામાં આવ્યું છે.

કેરળ હાઈકોર્ટની આ સ્પેશયલ બેંચનું નેતૃત્વ મુખ્ય ન્યાયાધીશ એસ મણિકુમાર અને જજ અનિલ કે નરેન્દ્ર કરી રહ્યાં છે. તેમણે બુધવારે સુનાવણી કરી અને ત્યાર બાદ કોર્ટે તમન્ના ભાટિયા, વિરાટ કોહલી અને અજુ વર્ગીનને નોટીસ મોકલાવી હતી.

ઓનલાઈન છેતરામણીના કિસ્સા વધુ
આ પિટિશન ત્રિશૂલમાં રહેતા પિયુલ વડક્કનને નોંધાવી તેણે પોતાની અરજીમાં ઓનલાઈન રમી રમવાને કાયદાનો ભંગ કર્યો તેવું દર્શાવ્યું છે. તે કહે છે કે બદલતા સમયની સાથે આ ગેમ વધારે પોપ્યુલર થઈ રહી છે અને કેટલાક લોકો આ પ્લેટફોર્મ પર લોકોને છેતરવાના ઈરાદાથી પણ આવે છે. અમુક લોકો આ ગેમમાં પોતાની સમગ્ર બચત પણ હારી જાય છે. 

ઓનલાઈન ગેમિંગ એ છેતરામણી ગેમ છે
તિરુવનંતપુરમમાં રહેતા ઈસરોના એક કર્મચારીએ ઓનલાઈન રમી ગેમની જાળમાં ફસાઈ ગયા અને તેના પર 21 લાખનું દેવુ થતા તેણે આત્મહત્યા કરી લીધી હતી. પિયુલ વડક્કનના સામે આવો એક રિપોર્ટ આવ્યો છે અને કહ્યું કે ઓનલાઈન રમી ગેમ કેરળના ગેમિંગ એક્ટ 1960થી વિરુદ્ધ છે.