• Home
  • India
  • kerala government declared bird flu as state disaster

ચિંતા / કોરોના સંકટ વચ્ચે બર્ડ ફ્લૂએ ચિંતા વધારી, કેરળમાં બની એવી ઘટના કે સરકારે જાહેર કરી રાજકીય આપત્તિ

Team VTV 04:26 PM, 05 Jan 21 | Updated: 04:29 PM, 05 Jan 21
kerala government declared bird flu as state disaster

કોરોના વાયરસ રસીના આગમન બાદ થોડી રાહત મળી હતી, પરંતુ હવે એક નવું સંકટ ઘેરી રહ્યું છે. મધ્ય પ્રદેશ, રાજસ્થાન, હિમાચલ પ્રદેશ બાદ બર્ડ ફ્લૂ કેરળમાં ફેલાયો છે. કેરળે તેને રાજકીય આપત્તિ જાહેર કરી છે. આ સાથે જ, મધ્ય પ્રદેશના મંદસૌર અને કર્ણાટકના બેંગ્લોરમાં ચિકન અને ઇંડાની દુકાનો હાલમાં બંધ રહેશે.

  • કેરળમાં પણ બર્ડ ફ્લૂએ દસ્તક દેતા તંત્ર સજ્જ
  • જાહેર કરાઇ રાજકીય આપત્તિ 
  • 1,200 થી વધુ બતકના મોત 

હકીકતમાં, કોટ્ટયમ જિલ્લા વહીવટીતંત્રે જણાવ્યું હતું કે સ્લીપુરમાં બતક ઉછેર કેન્દ્રમાં બર્ડ ફ્લૂ મળી આવ્યો છે. ત્યાં 1,200 થી વધુ બતક મરી ગયા છે. સૂત્રોના જણાવ્યા અનુસાર અલાપ્પુઝા જિલ્લાના કુત્નાનાડના કેટલાક ખેતરોમાં પણ બર્ડ ફ્લૂના આવા જ કેસ નોંધાયા છે. આ પછી, વાયરસના ફેલાવાને રોકવા માટે સાવચેતી પગલા રૂપે 40,000 પક્ષીઓને મારવા ઓર્ડર આપવામાં આવ્યા છે.

કેરળના મંત્રીએ કરી પુષ્ટિ

કેરળના મંત્રી કે.રાજુએ પુષ્ટિ આપી છે કે પાંચથી 8 નમૂનાઓમાં વાયરસ હોવાના પુરાવા મળ્યા છે. બર્ડ ફ્લૂની પુષ્ટિ થયા પછી, પશુપાલન વિભાગના અધિકારીઓને સૂચના આપવામાં આવી છે કે મરઘાં પક્ષીઓમાં હજી સુધી કોઈ લક્ષણો જોવા મળ્યા ન હોવા છતાં, મરઘાં અને મરઘાં ઉત્પાદન બજારો, ખેતરો, જળાશયો અને સ્થળાંતર પક્ષીઓ પર ખાસ દેખરેખ રાખવી જોઇએ.

હિમાચલમાં 1500 પક્ષીના મોત 

સ્થાનિક પ્રશાસને પોંગ ડેમમાં મૃત મળી આવેલા પક્ષીઓનો નમૂના ભોપાલ મોકલ્યો હતો. અહીંથી આ પક્ષીઓનો તપાસ રિપોર્ટ પોઝિટિવ આવ્યો છે. વન વિભાગનું કહેવું છે કે, મોટી સંખ્યામાં પક્ષીઓના મોત બાદ વહીવટીતંત્રે આ પગલું ભર્યું હતું. ભોપાલના રિપોર્ટમાં, બધા પક્ષીઓમાં H5N1 એવિયન ઈન્ફલ્યુએન્ઝા વાયરસ મળી આવ્યા છે.

અન્ય રાજ્યોમાં પણ ચિંતા વધી 

કોરોના વાયરસનો ખતરો હજી ટળ્યો નથી ત્યાં વધુ એક બીમારીએ સમગ્ર દેશની ચિંતામાં વધારો કર્યો છે. ભારતમાં બર્ડ ફ્લૂના કિસ્સાઓ પ્રકાશમાં આવ્યા છે. બર્ડ ફ્લૂ એવિયન ઈન્ફલ્યુએન્ઝા વાયરસ(H5N1)ના કારણે થાય છે. રાજસ્થાન, મધ્ય પ્રદેશ, ઝારખંડ અને હિમાચલ પ્રદેશમાં આ વાયરસને લઇને એલર્ટ જાહેર કરવામાં આવ્યું છે. આ વાયરસ પક્ષીઓ માટે ખૂબજ ખતનાક સાબિત થઇ રહ્યો છે. 

પ્રવાસીઓની એન્ટ્રી પર પ્રતિબંધ

આ વર્ષે અત્યાર સુધીમાં ફક્ત થોડા જ દિવસોમાં 1700 પક્ષીઓનાં મોત નીપજ્યાં છે. આ પછી, જિલ્લા વહીવટીતંત્ર દ્વારા આ જળાશયની આસપાસ ચિકન, ઇંડા સહિતના મરઘાં ઉત્પાદનોના વેચાણ પર પ્રતિબંધ મૂકવામાં આવ્યો છે. પોંગ તળાવના એક કિલોમીટરના ક્ષેત્રમાં આવતા ક્ષેત્રને એક ચેતવણી ઝોન જાહેર કરાયો છે. વહીવટીતંત્રે પ્રવાસીઓને પણ આ વિસ્તારોમાં ન જવા કહ્યું છે.

માનવી માટે ખતરનાક 

બર્ડ ફ્લૂ એ વાયરલ ઇન્ફેક્શન જેવું છે જે માત્ર પક્ષીઓ માટે જ નહીં પણ અન્ય પ્રાણીઓ અને માણસો માટે પણ એટલું જ જોખમી છે. બર્ડ ફ્લૂથી સંક્રમિત પક્ષીઓના સંપર્કમાં આવતા પ્રાણીઓ અને માણસો તેનાથી સરળતાથી સંક્રમિત થઈ જાય છે. આ વાયરસ એટલો ખતરનાક છે કે તે મૃત્યુનું કારણ પણ બની શકે છે.

શેનાથી ફેલાય છે ? 

એવિયન ઈન્ફ્લૂએન્જા -H5N1 વાયરસ બર્ડ ફ્લૂના નામથી જાણીતો છે. આ ખતરનાક વાયરસ પક્ષીઓને અધિક પ્રભાવિત કરે છે. ખાસ કરીને મરઘાં-મરઘીઓ અને અન્ય પક્ષીઓ તેનો શિકાર ઝડપથી બને છે. તેની અસરથી પક્ષીઓ અને માણસો મોતને ભેટી શકે છે. WHOના આંકડા અનુસાર 2003 પછી બર્ડ ફ્લૂની બિમારીથી 332 લોકોના મોત નીપજ્યા છે. તો WHO ના એક રિસર્ચ અનુસાર H5N1 વાયરસ પર જો કાબૂ ન કરી શકાય તો ભયંકર રોગચાળો ફેલાઈ શકે છે.

kerala government કોરોનાવાયરસ state disaster Bird Flu બર્ડ ફ્લૂ
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ