ચોંકાવનારો કિસ્સો / નણંદ અને ભાણીએ મજાક માટે બનાવ્યું ફેક ફેસબુક એકાઉન્ટ, પછી બન્યું એવું કે 3 ના પ્રાણ ગયા

• નણંદ અને ભાણીએ મજાક માટે બનાવ્યા ફેક ફેસબુક એકાઉન્ટ
• એક ખોફનાક મજાકે ત્રણ લોકોનો પ્રાણ લીધો
• કોલ્લમ પોલીસે ઘટનાનો કર્યો પર્દાફાશ 

કોલ્લમના કલ્લુવથુક્કલ ગામની રેશમા નામની છોકરીના લગ્ન વિષ્ણુ નામના યુવાન સાથે થયા હતા પરંતુ આ દરમિયાન રેશમાને ફેસબુક પર નકલી યુવાન સાથે દોસ્તી થઈ હતી. રેશમા ગર્ભવતી પણ થઈ હતી અને તેણે એક બાળકને પણ જન્મ આપ્યો હતો. પોતાના ફેસબુક ફ્રેન્ડ સાથે રહેવા રેશમાએ જન્મ આપીને બાળકને કચરાપેટીમાં ફેંકી દીધું. પોલીસે રેશમાની ધરપકડ કરતા આ આખા કેસનો ભાંડો ફૂટ્યો હતો.

પોલીસ પૂછપરછમાં રેશમાએ જણાવ્યું કે તેને ફેસબુક પર આનંદુ નામના એક યુવાન સાથે મિત્રતા થઈ હતી અને આનંદુ સાથે રહેવા માટે તેણે બાળકને છોડી દીધું. જોકે તેણે કહ્યું કે તે કદી પણ આનંદુને મળી નથી. 

માતા-પુત્રીએ નકલી એકાઉન્ટ બનાવ્યું, ભાભી સાથે કરવા લાગી મજાક 

હવે કહાનીમાં ખરેખરો વળાંક આવ્યો. રેશમાની નણંદ આર્યા અને ભાણી ગ્રીષ્માએ જ આ આનંદુ નામના યુવાનનું ફેસબુક પર નકલી એકાઉન્ટ બનાવ્યું હતું અને તેની સાથે ચેટ કરતી હતી. રેશમા આ વાતથી અંધારામાં હતી. પરંતુ જ્યારે રેશમાને આ વાતની ખબર પડી ત્યારે તેના પપગ નીચેથી જમીન સરકી ગઈ હતી.

બન્ને મહિલાઓએ નદીમાં કૂદીને આપઘાત કર્યો 
રેશમાની વાતનું લાગી આવતા નણંદ આર્યા અને ભાણી ગ્રીષ્માએ નદીમાં કૂદીને આપઘાત કરી લીધો. આર્યા અને ગ્રીષ્માએ આનંદૂ નામના વ્યક્તિનું નકલી એકાઉન્ટ બનાવ્યું હતું અને બન્ને આનંદુને નામે પોતાની સગી ભાભી સાથે મજાક કરવા લાગ્યા હતા. પરંતુ એક દિવસ રેશમાને ખબર પડી કે તે જે આનંદૂ નામના વ્યક્તિ સાથે ચેટિંગ કરતી હતી અને તેના પ્રેમમાં પાગલ હતી કે બીજું કોઈ નહીં પણ તેની સગી નણંદ અને ભાણી હતી. બસ પછી તો રેશમાએ તેમને બન્નેને ઠપકો આપ્યો અને તેનું લાગી આવતા આર્યા અને ગ્રીષ્માએ મોતને વ્હાલુ કર્યું.