ઇલેક્શન / રાહુલ ગાંધીનો ચૂંટણી વાયદો, જો અહીં બની કોંગ્રેસ સરકાર તો ગરીબોને મળશે ૭૨ હજાર 

• રાહુલ ગાંધીની ચૂંટણી મુલાકાત 
• કેરળમાં લોકોને કર્યો નવો વાયદો 
• કોંગ્રેસની ન્યાય યોજનાને લાગૂ કરીશું : રાહુલ ગાંધી

દક્ષિણના રાજ્યમાં ચૂંટણી પહેલા પ્રચારના છેલ્લા દિવસે કોંગ્રેસના નેતા રાહુલ ગાંધીએ નિમોમ વિસ્તારમાં બે સ્થળે ઓટો રિક્ષામાં સવારી કરી હતી. આના માધ્યમથી તેમણે વધતા પેટ્રોલ-ડીઝલ અને ગેસના ભાવો પર કેન્દ્રની ભાજપ-એનડીએ સરકારને ઘેરી લીધી હતી. અગાઉ યુડીએફની બેઠકમાં તેમણે કહ્યું હતું કે તેમની 'ન્યૂનતમ આવક યોજના' (ન્યાય) હેઠળ કેરળના જો તેમનું ગઠબંધન જીતશે તો દરેક ગરીબ વ્યક્તિને તેઓ ચોક્કસપણે દર મહિને છ હજાર રૂપિયા અપાવશે.

Shri. @RahulGandhi rides an auto on his way to the helipad at Kalpetta,Wayanad.

Leader with the epitome of Simplicity ❤️ pic.twitter.com/dWoISrH6xi

— Srinivas B V (@srinivasiyc) April 4, 2021

ઓટોરિક્ષામાં પહોંચ્યાને હરકોઈ જોતું જ રહ્યું 

નિમોમમાં રાહુલ ગાંધીએ રવિવારે સાંજે એક ચૂંટણી સભાને સંબોધન કર્યું હતું. જેના માટે તેઓ ઓટોરિક્ષામાં બેસીને અહીં પહોંચી ગયા હતા અને બધાને ચોંકાવી દીધા. મહત્વનું છે કે અહીંના સાંસદ કે મુરલીધરન કોંગ્રેસના નેતૃત્વવાળી યુડીએફથી ઉમેદવાર છે. આ બેઠક ઉપર એલડીએફ, યુડીએફ અને ભાજપ વચ્ચે ત્રિકોણીય હરીફાઈ છે, અહીં રાહુલ ગાંધીએ નિમોમમાં પાર્ટીના કાર્યકરોને સંબોધન કરતાં કહ્યું હતું કે તે અહીં ઓટો રિક્ષામાં આવ્યા હતા ત્યારે ડ્રાઈવરે કહ્યું કે તે પોતાનું ગુજરાન નથી ચલાવી શકતો કારણ કે તેની બધી કમાણી ઈંધણ ખરીદવામાં જ જઇ રહી છે.

કોંગ્રેસ નેતાએ સવાલ ઉઠાવ્યો કે ભાજપ પેટ્રોલ અને ડીઝલના ભાવમાં સતત વધારો કરે છે અને લોકોના પૈસા તેમના મિત્રોને આપે છે. તે અહીં આવીને તમારી પાસેથી મત માંગવાની હિંમત કેવી રીતે કરશે? દિવસની શરૂઆતમાં, ગાંધી કાલપેટન એરસ્ટ્રીપમાં પણ એક ઓટો રાઇડ લઈ ગયા હતા.

The speech by @rahulgandhi was outstanding. He began with an anecdote about what makes Keralites special, went into the political speech &then brought the argument full circle by tying it into his anecdote at the end. It was an inspiringly effective finale to our Kerala campaign. pic.twitter.com/aOVzOGlKHF

— Shashi Tharoor (@ShashiTharoor) April 4, 2021

ન્યાયની યોજના 

પોતાના સંસદીય મત વિસ્તાર વાયનાડમાં મંથલાવદ્ય વેલમુંદા ખાતે યોજાયેલ યુડીએફની બેઠકમાં રાહુલ ગાંધીએ કહ્યું કે રાજ્યના દરેક ગરીબ વ્યક્તિને 'ન્યૂનતમ આવક યોજના' (ન્યાય) હેઠળ દર મહિને છ હજાર રૂપિયા ચોક્કસપણે મળશે જ્યારે અહીં યુડીએફની સરકારની રચના થશે. યુડીએફ કેટલીક ક્રાંતિકારી યોજનાઓ લાવી રહ્યું છે. ભારતના કોઈ પણ રાજ્યમાં આ પ્રકારનો પ્રયાસ પહેલા ક્યારેય થયો નથી.

દર વર્ષે 72 હજાર રૂપિયા મળશે

પૂર્વ કોંગ્રેસ અધ્યક્ષે કહ્યું કે આ એવો વિચાર એવો છે કે અમે સીધા કેરળના ગરીબ લોકોના હાથમાં પૈસા આપવાના છીએ. થોડી રકમ નહીં. કેરળના દરેક ગરીબ વ્યક્તિને તેમના ખાતામાં દર વર્ષે 72,000 રૂપિયા એટલે કે ચોક્કસપણે છ હજાર રૂપિયા મળશે. કેરળની ડાબેરી સરકારને પરાજિત કરવાના આશયથી તેમણે આ મોટો ચૂંટણી દાવ લગાવી દીધો છે.

મહત્વનું છે કે રાહુલ ગાંધીએ 2019 ની લોકસભાની ચૂંટણી દરમિયાન લાવવામાં આવેલી કોંગ્રેસની 'ન્યાય' યોજના વિશે કહ્યું હતું કે, તે ખૂબ જ પરિવર્તન લાવી શકે છે અને ગરીબી પર અંતિમ પ્રહાર કરશે. ગયા અઠવાડિયે કોંગ્રેસના પૂર્વ વડાએ કહ્યું હતું કે તેઓ કેરળમાં આ યોજનાનું 'પરીક્ષણ' કરવા માગે છે, કારણ કે જો તે અહીં સફળ થાય છે, તો તે દેશના તમામ કોંગ્રેસ શાસિત રાજ્યોમાં તેને લાગુ કરવા માંગે છે.