વાહ / કોંગ્રેસી સાંસદની આ રીત જોઇ સૌ ચોંકી ગયા, ભાજપના સભ્યોએ પણ થપથપાવી પાટલી

આપને જણાવી દઇએ કે,  પરંપરા અનુસાર, સૌ પ્રથમ વડાપ્રધાન મોદીએ સાંસદ તરીકેના શપથ લીધા હતા, ત્યારબાદ પ્રધાનમંત્રી સહિત તમામ નવા સાંસદોએ 17મી લોકસભાના પ્રથમ દિવસે પદની ગોપનીયતાના  શપથ લીધા હતા. જ્યારે પ્રધાનમંત્રી મોદી શપથ લઇ રહ્યા ત્યારે ગૃહમાં 'મોદી-મોદી' તથા ભારત માતાકી જયના નારા લાગ્યા હતા અને સંસદ ગૃહ ગુંજી ઉઠ્યું હતું.

કોણ છે કોડિકુન્નિલ સુરેશ
કેરળના સાંસદ હોવા છતાં હિંદીમાં શપથ લેનાર સુરેશ છઠ્ઠી વખત સાંસદ બન્યા છે. તિરુવનંતપુરમ જિલ્લાના કોડિકુન્નિલ વિસ્તારના એક ગરીબ પરિવારમાં જન્મેલ સુરેશ પ્રથમ વખત 1989માં સાંસદ બન્યા હતા. 

17મી લોકસભામાં તેઓ માવેલીકારા લોકસભા બેઠકથી ચૂંટાઇ આવ્યા છે. તેઓ એક સમય શ્રમ મંત્રાલયમાં રાજ્યમંત્રીનો પ્રભાર સંભાળી ચૂક્યા છે. સપ્ટેમ્બર 2018માં કેરળ પ્રદેશ કોંગ્રેસ કમિટી (KPCC) ના કાર્યકારી અધ્યક્ષ અધ્યક્ષ તરીકે નિયુક્ત થયાં હતા.