કેરળમાં 8 વર્ષનો એક છોકરા એક વાર નહીં પરંતુ બે બે વાર મોતથી બચ્યાની એક ચમત્કારી ઘટના બની છે.
કેરળમાં બની ચમત્કારી ઘટના
8 વર્ષનો છોકરો એક વાર નહીં બે વાર મોતથી બચ્યો
પહેલા મોટરસાઈકલ ટકરાઈ ત્યાર બાદ બસની ટક્કરથી બચ્યો
છોકરાઓને હવે ટ્રાફિક નિયમો શીખડાવવાની તાતી જરુર છે. છોકરાઓ ગમે ત્યારે સાઈકલને રસ્તા પર નીકળી પડે અને ધ્યાન ન રાખ તો મોટો અકસ્માત થઈ જાય છે. કેરળના 8 વર્ષના એક છોકરાએ બે વાર મોતને હાથતાળી આપી છે. આંખના પલકારામાં આઠ વર્ષના છોકરો પહેલા તો મોટરસાઈકલની ટક્કરથી બચી ગયો હતો ત્યાર બાદ તે બસની ટક્કરરથી પણ બચી ગયો હતો.
No one would have believed if it wasn't caught on cam! Kerala boy on bicycle crashes into motorbike and narrowly escapes being run over by bus. Read full story,,,
Miracle Accident Kerala CCTV pic.twitter.com/xiGB5KxQvN
પ્રાપ્ત થતી વિગતો અનુસાર, છોકરો સાઈકલ લઈને રોડ પર જઈ રહ્યો હતો ત્યારે તેની સાઈકલને એક મોટરસાઈકલ સવારે ટક્કર મારી હતી. મોટરસાઈકલની ટક્કરથી છોકરો સાઈકલ લઈને રસ્તા વચ્ચે ફંગોળાયો હતો. હજુ તો તે કંઈ સમજે કે વિચારે તે પહેલા તો પાછળથી જોરદાર સ્પીડમાં આવતી બસે તેની સાઈકલ અને તેને ટક્કર મારી હતી. પરંતુ બન્ને ઘટનામા છોકરો બચી ગયો હતો. આ આખી આઘાતજનક ઘટના કેમેરામાં કેદ થઈ હતી અને તેનો વીડિયો વાયરલ થતા હજારો લોકોએ તેને જોયો હતો.
15 સેકન્ડની વીડિયો ક્લીપમાં શું છે જાણો
વાયરલ થયેલી 15 સેકન્ડની વીડિયો ક્લીપમાં 8 વર્ષનો છોકરો ફૂલ સ્પીડમાં સાઈકલ હાંકતો હાંકતો બિઝી રોડ પર આવી રહેલો દેખાય છે. તેની સાઈકલ સાથે એક મોટરસાઈકલ અથડાય છે અને ટક્કરથી તે રસ્તા પર ફંગોળાઈ જાય છે અને રોડની બીજી બાજુ પડી જાય છે. બરાબર આ સમયે એક સરકારી બસ આવે છે અને તેની સાઈકલને કચડીને જતી રહે છે. આ ઘટના બાદ બસ પાછળ આવી રહેલી સફેદ કાર અટકે છે અને લોકો છોકરાને બચાવવા દોડ્યા હતા પરંતુ છોકરો તો તેને મેળે ઊઠીને ઊભો થઈ ગયો હતો અને હાથેપગે કંઈ વાગ્યું નથી તે જોવા લાગ્યો હતો.