કેરળના મલાપ્પુરમ જિલ્લામાં એક ચોંકાવનારો મામલો સામે આવ્યો છે, જ્યાં એક 17 વર્ષની ગર્ભવતી કિશોરીએ ઘરમાં યુ-ટ્યુબ વીડિયો જોઈને બાળકને જન્મ આપ્યો છે. પોલીસે માહિતી આપતા જણાવ્યું કે કિશોરીએ 20 ઓક્ટોબરે પોતાના ઘરમાં યુ-ટ્યુબ જોઈને બાળકને જન્મ આપ્યો અને તેની નાળ કાપી.
કેરળમાં 17 વર્ષની ગર્ભવતી કિશોરીએ બાળકને આપ્યો જન્મ
કિશોરીએ ઘરમાં યુ-ટ્યુબ વીડિયો જોઈને બાળકને જન્મ આપ્યો
અત્યારે માતા અને બાળક હોસ્પિટલમાં દાખલ, બંને સ્વસ્થ
માતા અને બાળકો બંને સ્વસ્થ
પોલીસે જણાવ્યું કે આ મામલો કેરળના મલાપ્પુરમ જિલ્લાના કોટ્ટાકલ પોલીસ સ્ટેશન અંતર્ગત આવ્યો છે. માતા અને બાળકને અત્યારે મંજેરીની સરકારી મેડિકલ કોલેજ અને હોસ્પિટલમાં દાખલ કરવામાં આવ્યાં છે અને બંને સ્વસ્થ છે. પોલીસે જણાવ્યું કે પ્રાથમિક તપાસમાં ખુલાસો થયો કે કિશોરીએ ડિલીવરી વખતે બહારથી કોઈ મદદ લીધી નથી.
પ્રેમીએ કિશોરીને કરી ગર્ભવતી
પીટીઆઈની રિપોર્ટ મુજબ, પોલીસના એક અધિકારીએ જણાવ્યું કે 17 વર્ષીય કિશોરીને તેના પ્રેમીએ ગર્ભવતી બનાવી હતી. કિશોરી અને તેના બાજુમાં રહેતા 21 વર્ષીય યુવકની વચ્ચે થોડા સમયથી પ્રેમ સંબંધ ચાલી રહ્યો હતો. જેને કારણે યુવતી ગર્ભવતી બની હતી. પોલીસે જણાવ્યું કે યુવતીના 18 વર્ષ પૂર્ણ થવાથી બંનેના લગ્ન કરવાની યોજના હતી.
કિશોરીનો પરિવાર આ વાતથી હતો અજાણ
કિશોરીના પ્રેગનન્સીની માહિતી તેના માતા-પિતાને ન હતી. કારણકે તેઓ બંને આંખથી દિવ્યાંગ હતા અને જોઈ શકતા ન હતા. પોલીસે જણાવ્યું કે કિશોરી 12મા ધોરણમાં ભણે છે અને તે પોતાના અંધ માતા-પિતાને ગર્ભ છુપાવવામાં સફળ રહીં. કિશોરીના માતા-પિતાને ઘટનાની માહિતી 22 ઓક્ટોબરે થઈ, જ્યારે તેના બાળકના રોવાની અવાજ સાંભળી.
પોક્સો હેઠળ નોંધ્યો કેસ
પોલીસે જણાવ્યું કે કિશોરી અને તેના બાળકની સારસંભાળ આરોપીનો પરિવાર કરી રહ્યો છે. પરંતુ પોલીસ આ કેસને દુષ્કર્મના કેસ તરીકે જોઈ રહી છે. કારણકે તેની ઉંમર ફક્ત 17 વર્ષ છે. પોલીસે જણાવ્યું કે દુષ્કર્મના આરોપીઓને જાતિય સતામણી દ્વારા બાળકોના સંરક્ષણના અધિનિયમ (પોક્સો) અને ભારતીય દંડ સહિતાની કલમ-376 હેઠળ પ્રાથમિક ફરિયાદ નોંધી ધરપકડ કરવામાં આવી છે.