વડોદરાની કેમરોક કંપનીના પૂર્વ MD કલ્પેશ પટેલ વિરૂદ્ધ વડોદરા ક્રાઇમ બ્રાન્ચે બેંકોમાંથી કરોડોની લોન લઇને ચૂકવી નથી. જેને લઇને તેમના વિરૂદ્ધ ફરિયાદ નોંધાઇ છે. જેને લઇને તેમની ધરપકડ કરવામાં આવી છે.
કેમરોક કંપનીના પૂર્વ MD કલ્પેશ પટેલની ધરપકડ થઈ હોવાનું સામે આવ્યુ છે. PCB પોલીસે કલ્પેશ પટેલની ધરપકડ કરી છે. અલ્હાબાદ બેંકમાંથી 443 કરોડથી વધુની લોન લઇને ઉઠમણુ અને ફાયનાન્સ કંપનીની 8 કરોડ 50 લાખની લોનની ભરપાઇ ન કરતા ધરપકડ કરાઈ છે. અગાઉ આરોપીને 1600 કરોડની બેન્ક લોન મામલે ડિફોલ્ટર જાહેર કરાયો હતો. કલ્પેશ પટેલે અનેક બેંકો અને ફાયનાન્સ કંપની પાસેથી લોન લઈને ચૂકવી નથી. આથી આરોપી કલ્પેશ પટેલ વિરુદ્ધ ગાંધીનગર CID ક્રાઈમે 120 કરોડની છેતરપીડીની ફરિયાદ નોંધી છે.
અગાઉ પણ થઇ હતી ધરપકડ
મહત્વનું છે કે, કેમરોક કંપનીનો પૂર્વ MD કલ્પેશ પટેલ 1600 કરોડના કૌભાંડ બાદ તે લંડન ભાગી ગયો હતો. તેમના માતાનું નિધન થતા કલ્પેશ પટેલ પરત વડોદરા આવ્યો હતો. જેની બાતમીના આધારે તેમની ધરપકડ કરવામાં આવી હતી. ત્યારબાદ 443 કરોડના બેંક લોનના કૌભાંડમાં ફરી વખત ક્રાઇમ બ્રાન્ચે ધરપકડ કરી છે.
1600 કરોડનું કૌભાંડ, સ્વિસ બેંકમાં પણ ખાતું
કલ્પેશ પટેલ વિરૂદ્ધ અલ્હાબાદ બેંક, PNB, એક્સિસ બેંક, આંધ્ર બેંક, યુનિયન બેંક, ICICI સહિતની બેંકો પાસેથી લોન લઇને 1600 કરોડથી વધુનું કૌભાંડ આચર્યું હતું. મહત્વનું છે કે, સ્વિસ બેંકમાં કાળુ નાણુ છુપાવ્યું હોવાનો પણ ખુલાસો થયો હતો.