અમેરિકાના રાષ્ટ્રપતિ ડોનાલ્ડ ટ્રમ્પ અમદાવાદની મુલાકાતે આવી રહ્યાં છે. જેને લઇ અમદાવાદ શહેરને દુલ્હનની જેમ શણગારાયું છે. અમદાવાદમાં કેમ છો ટ્રમ્પ? કાર્યક્રમને લઇ તૈયારીઓ પૂરજોશમાં ચાલી રહી છે. ત્યારે હવે સુરક્ષાને લઇને રૂટ બદલાયો છે.
ટ્રમ્પને આવકારવા તૈયાર અમદાવાદ
5 કિમીના બદલે 11 કિમી રૂટ કરાયો
સુરક્ષાને લઇ રૂટ બદલાયો
મોટેરા જવા ટ્રમ્પ માટે 5 કીમીને બદલે 11 કીમીનો રોડ પસંદ કરાયો છે. મોટેરા જવા માટે સાબરમતીને બદલે કોટેશ્વરની પસંદગી કરાઇ છે. ટ્રમ્પ આશ્રમથી સાબરમતી થઇ મોટેરા સ્ટેડિયમ નહીં જાય. આશ્રમથી ફરી એરપોર્ટ-ઇન્દીરા બ્રિજ થઇને મોટેરા જશે. સલામતીના ભાગ રૂપે ટૂંકા રૂટના બદલે લાંબો રૂટ પસંદ કરાયો છે.
ટ્રમ્પના આગમનને લઇ લોખંડી સુરક્ષા વ્યવસ્થા
અમદાવાદ એરપોર્ટ પર PM મોદી ટ્રમ્પનું સ્વાગત કરશે. એરપોર્ટથી બંને નેતાઓ ગાંધી આશ્રમ જશે. બાદમાં રિવરફ્રન્ટથી રોડ શો યોજાશે. તો PM મોદી અને ટ્રમ્પ મોટેરા સ્ટેડિયમની મુલાકાત લેશે. જ્યાં અંદાજિત 1.20 લાખ લોકો મોટેરા સ્ટેડિયમમાં હાજર રહેશે. તો સાથે જ 28 અલગ-અલગ સ્થળો પર પાર્કિંગ વ્યવસ્થા કરાઇ છે. જ્યારે ટ્રમ્પના આગમનને લઇ લોખંડી સુરક્ષા વ્યવસ્થા ગોઠવવામાં આવી છે. અલગ અલગ વિભાગમાં બંદોબસ્ત ગોઠવવામાં આવશે. જેમાં સિક્રેટ સર્વિસ અને IB હાજર રહેશે. તો SPG, NSG અને ગુજરાત પોલીસ રહેશે ખડેપગે. જેમાં 25 IPS, 65 ACP, 200 PI, 800 PSI અને 10 હજાર પોલીસકર્મીઓ તૈનાત રહેશે.
3 કરોડના ખર્ચે ગ્રીન સ્પેસ બનાવાયું
કરોડોના ખર્ચે રાતો રાત ગ્રીન સ્પેસ બનાવી દેવાયું છે. વિદેશી મહેમાનોને અમદાવાદ ગ્રીન અને હરિયાળું લાગે તે માટે કોર્પોરેશન દ્વારા 3 કરોડ 68 લાખના ખર્ચે ગ્રીન સ્પેસ ઉભુ કરવામાં આવી રહી છે. એરપોર્ટથી લઇ ચીમનભાઈ પટેલ બ્રિજ અને ત્યાંથી મોટેરા સ્ટેડિયમ સુધી નારિયેળીના ઝાડથી ગ્રીનરી ઉભી કરવામાં આવી છે. સાથે જ અન્ય આસપાસના વિસ્તારોમાં ટ્રી પ્લાન્ટેશન પણ કરવામાં આવ્યું છે.