2022 ELECTIONS / 2022ની ચૂંટણીને લઈને કેજરીવાલનું અત્યાર સુધીનું સૌથી મોટું એલાન, કોંગ્રેસ આવી જશે ટેન્શનમાં

CM કેજરીવાલે પંજાબમાં કરી મોટી જાહેરાત 
PM મોદીથી લાઈને જનતાના સુરક્ષાનું વચન
CM કેજરીવાલે કોંગ્રેસ સરકાર પર સાધ્યું નિશાન

દિલ્હીના મુખ્યમંત્રી અરવિંદ કેજરીવાલ બુધવારે ચંદીગઢ પહોંચ્યા અને કહ્યું કે અમે વચન આપીએ છીએ કે જો અમે સત્તામાં આવીશું, તો અમે વડાપ્રધાનને સામાન્ય માણસની સુરક્ષા સુનિશ્ચિત કરીશું.

પંજાબમાં  કોણ હશે AAPના CM પદના ઉમેદવાર
આ સાથે જ આમ આદમી પાર્ટીના મુખ્યમંત્રી પદના ઉમેદવારની ચર્ચાએ જોર પકડ્યું છે. પંજાબના સીએમ ઉમેદવારને લઈને અરવિંદ કેજરીવાલે કહ્યું કે સીએમના ચહેરાના નામની જાહેરાત આવતા સપ્તાહે કરવામાં આવશે.

PM મોદીથી લાઈને જનતાના સુરક્ષાનું વચન
ચંદીગઢ પહોંચ્યા બાદ, અરવિંદ કેજરીવાલે કહ્યું, "જો આમ આદમી પાર્ટી સત્તામાં આવે છે, તો અમે પંજાબના લોકો માટે કાયદો અને વ્યવસ્થાની સ્થિતિ સુધારવા અને અપમાનની અગાઉની તમામ ઘટનાઓમાં ન્યાય સુનિશ્ચિત કરવાની ખાતરી આપીએ છીએ."  વડાપ્રધાન હોય કે સામાન્ય માણસ દરેકની સુરક્ષા સુનિશ્ચિત કરવામાં આવશે.

કેજરીવાલે કોંગ્રેસ સરકાર પર નિશાન સાધ્યું
આમ આદમી પાર્ટીના રાષ્ટ્રીય સંયોજક અરવિંદ કેજરીવાલે પંજાબની કોંગ્રેસ સરકાર પર નિશાન સાધતા કહ્યું કે કાયદો અને વ્યવસ્થાની સ્થિતિ ખૂબ જ ખરાબ થઈ રહી છે, ચન્ની સરકાર તેને સંભાળી શકતી નથી. જણાવવામાં આવ્યું છે કે અરવિંદ કેજરીવાલ આજે (12 જાન્યુઆરી)એ  બપોરે 12 વાગ્યે પ્રેસ કોન્ફરન્સ કરશે.

પંજાબમાં 14 ફેબ્રુઆરીએ એક તબક્કામાં મતદાન થશે
જણાવવામાં આવ્યું છે કે ચૂંટણી પંચ(Election Commission)એ પંજાબ સહિત પાંચ રાજ્યોમાં ચૂંટણીની તારીખોની જાહેરાત કરી દીધી છે. પંજાબમાં વિધાનસભાની તમામ 117 બેઠકો પર 14 ફેબ્રુઆરીએ એક જ તબક્કામાં મતદાન થશે અને મતગણતરી 10 માર્ચે યોજાશે.