દિલ્હીના મુખ્યમંત્રી અરવિંદ કેજરીવાલે કોંગ્રેસેની હાર થશે તેવું નિવેદન આપી કોંગ્રેસ પર આકરા પ્રહારો કર્યા હતા. જેના જવાબમાં કોંગ્રેસના રઘુ શર્માએ ગુજરાતી ભાષામાં વિડીયો બનાવી કેજરીવાલ પર પ્રહાર કરી ઝીરો સીટ મળશે. તેવી ચેલેન્જ આપી છે.
ગુજરાત ચુંટણીને લઇને સભામાં જ નહીં, એકાંતમાં પણ પ્રહાર
વીડિયો બનાવી પ્રતિસ્પર્ધીની કરી નિંદા
રઘુ શર્મા કહે આપને ``ઝીરો' સીટ મળશે'
જેમ જેમ ચૂંટણીની તારીખ નજીક આવી રહી છે તેમ તેમ, પ્રચાર અભિયાન તેજ બની રહ્યું છે. તો બીજી તરફ નેતાઓના મિજાજ સાતમા આસમાને પહોંચી રહ્યા છે. પ્રચારસભામાં વિરોધીઓ પર ગરજતા રહેતા નેતાઓ હવે એકલા ઓરડામાં બેસીને વીડિયો બનાવી પ્રતિસ્પર્ધીને માત આપવા મથી રહ્યા છે. ત્યારે આમ આદમી પાર્ટીના સંયોજક અરવિંદ કેજરીવાલ અને કોંગ્રેસ પ્રભારી રઘુ શર્માનો વિડીયો સામે આવ્યો છે, બન્ને નેતાઓ વચ્ચે પરસ્પર લડાઈ ચાલી રહી છે.
રઘુ શર્માએ લખીને પણ આપ્યું
વિધાનસભાની ચુંટણી માટે ભાજપ કોંગ્રેસ અને આપ એમ ત્રણેય વચ્ચે ખરેખરનુ પ્રચાર યુધ્ધ જામ્યુ છે. અને રોજ રોજ વાતાવરણમા પણ નવો ગરમાવો આવી રહ્યો છે. નેતાઓ શામ, દામ, દંડ, ભેદ એમ તમામ રીતરસમો અપનાવી રહ્યા છે. આ બધા વચ્ચે ઉમેદવારો પોતાના કાર્યકરોનો જોશ વધારવા, વિવાદાસ્પદ અને અસંવૈધાનિક નિવેદનો કરી રહ્યા છે, જો કે,પ્રચારસભામાં વિરોધીઓ પર ગરજતા રહેતા નેતાઓ હવે એકલા ઓરડામાં બેસીને વીડિયો બનાવી પ્રતિસ્પર્ધીને માત આપવા મથી રહ્યા છે. આમ આદમી પાર્ટીના સંયોજક અરવિંદ કેજરીવાલએ અગાઉ કોંગ્રેસને 5 સીટ જ આવશે અને કોંગ્રેસમાં મત વેસ્ટ ન કરશો
તે અંગેનું નિવેદન આપ્યું હતું.
નેતાઓનો મિજાજ સાતમા આસમાને
રઘુ શર્માએ ગુજરાતી ભાષામાં બોલીને વીડિયો બનાવ્યો છે. જે વિડીયોમાં તેમને કહ્યું હતું કે હું આપના અરવિંદ કેજરીવાલને ચેલેન્જ આપું છું કે તમારઆ પક્ષની ગુજરાત ચુંટણીમાં એક પણ સીટ નહીં આવે. એટલુ જ નહિ તમે BJPની બી ટીમ છો, તેમ પણ કહ્યું હતું. તેથી કેજરીવાલજી તમારું ગુજરાતમાં ખાતું જ નહિ ખુલે. હું તમને લેખિતમાં ચેલેન્જ આપું છું, ગુજરાતમાં તમારી એક પણ સીટ નહીં આવે. તેમ કહીને રઘુ શર્માએ કાગળમાં લખ્યું હતું. આમ, કેજરીવાલ કહે છે કે, તમારો મત વેસ્ટ જવા દેશો નહીં, તો કોંગ્રેસના રઘુ શર્માએ તો લખીને આપી દીધું છે કે, આમ આદમીને એક પણ સીટ નહીં મળે. જેને લઇને રાજકારણ ચરમસીમાંએ પહોંચ્યું છે.