પર્સનલ લોન તાત્કાલિક પૈસાની જરુરિયાત માટે શ્રેષ્ઠ માનવામાં આવે છે. આ પ્રકારની લોનની મદદથી તમે જે રકમ સુરક્ષિત કરી શકો છો તે તમારા ઘણા ઉદેશ્યને પૂર્ણ કરી શકે છે.
પર્સનલ લોન લેતા પહેલા તમારો ક્રેડિટ સ્કોર સારો હોવા જોઈએ
પર્સનલ લોન લેતા પહેલા તમામ બેંકોના વ્યાજ દર ચકાસો
બેંકો દ્વારા આપવામાં આપતી ઓફર્સનો ફાયદો ઉઠાવો
જો તમે પર્સનલ લોન લેવા માટે પ્લાન બનાવી રહ્યા છો તો સૌથી પહેલા કેટલીક જરુરી વાતની જાણકારી હોવી ખૂબ જ જરુરી બની જાય છે. કારણ કે પર્સનલ લોન તાત્કાલિક પૈસાની જરુરિયાત માટે શ્રેષ્ઠ માનવામાં આવે છે. આ પ્રકારની લોનની મદદથી તમે જે રકમ ને સુરક્ષિત કરી શકો છો તે તમારા ઘણા ઉદેશ્યને પૂર્ણ કરી શકે છે. જેમાં તમારા લગ્નનો ખર્ચ, શૈક્ષણિક ફી, યાત્રા પર જવું અથવા તબીબી સહાય પ્રાપ્ત કરવાનો સમાવેશ થાય છે.
કોઈપણ બેંકની પર્સનલ લોનના વ્યાજ દર જાણતા પહેલા તમારે એ જાણવું જોઈએ કે કેવી રીતે પર્સનલ લોન તમને તાત્કાલિક ચુકવણી કરવામાં મદદ કરી શકે છે. તમારે આ 6 મહત્વપૂર્ણ પોઈન્ટ પર્સનલ લોન પર શ્રેષ્ઠ વ્યાજ દર શોધવામાં મદદ કરી શકે છે.
લોકો શા માટે પસંદ કરે છે પર્સનલ લોનનો વિકલ્પ
આજકાલ લોકો બેંકમાંથી પર્સનલ લોનનો વિકલ્પ કેમ વધુ પસંદ કરે છે, તેના ઘણા કારણો હોય શકે છે. તમને ખબર હોવી જોઈએ કે પર્સનલ લોન પણ ખૂબ જ ઝડપથી વિતરિત કરી શકાય છે, અને તેમાં કોઈ વધુ પડતા દસ્તાવેજો સામેલ હોતા નથી. આ જ કારણ છે કે તે બજારમાં સૌથી વધુ માંગમાં રહેલી લોનમાં પર્સનલ લોન છે. પરંતુ પર્સનલ લોન ત્યારે જ ફાયદાકારક છે જ્યારે તમે ઘણા વ્યાજ દરો શોધી રહ્યા છો. વધુ આકર્ષક વ્યાજ દરો સાથેની પર્સનલ લોન તમને વધુ સરળતા સાથે ચુકવણીના તમામ લાભ આપવામાં મદદ કરી શકે છે.
આ 6 વાતનું ખાસ ધ્યાન રાખો
ક્રેડિટ સ્કોર સારો હોવા જોઈએ
કોઈપણ ભારતીય બેંકમાંથી કોઈપણ પર્સનલ લોન માટે આવેદન કરતા પહેલા તમારે એ ખાતરી કરવી જોઈએ કે તમારી પાસે એક સારો ક્રેડિટ રિપોર્ટ છે. જ્યારે તમારો ક્રેડિટ સ્કોર સારો હશે, ત્યારે બેંકો પાસેથી પર્સનલ લોન મેળવવાની સંભાવના વધી જાય છે અને તમારી પાસે ઘણા સારા વિકલ્પો ઉપલબ્ધ હશે. જ્યારે તમે લોન માટે બેંક સાથે વાતચીત કરો છો, ત્યારે તમને ફાયદો પણ મળી શકે છે.
તમારે ઑફર્સનો ફાયદો ઉઠાવવો જોઈએ
બેંકો ચોક્કસ સમયે ઑફર્સ ચલાવવા માટે જાણીતી છે અને આ પ્રકારની ઑફર્સ તમને પર્સનલ લોનના વ્યાજ દરો આપી શકે છે જે સામાન્ય રીતે ઑફર કરવામાં આવે છે તેના કરતા ઓછા હોય છે. પરંતુ તમે આ ઑફર્સ માત્ર મર્યાદિત સમય માટે જ મેળવી શકો છો. તેથી તમને બેંકો ક્યારે આ ઑફર્સ આપે છે તેની જાણ હોવી જોઈએ.
બેંક સાથે હોવા જોઈએ સારા સંબંધ
જ્યારે તમે બેંકના એક વફાદાર ગ્રાહક હોય તો બેંક તમને વધુ સારો વ્યાજ દર ઓફર કરે છે. તમે ચોક્કસ બેંક સાથેના સંબંધના આધારે ગ્રાહક ડિસ્કાઉન્ટ પણ મેળવી શકો છો. જેમાં વધેલા વ્યાજ દરોનો પણ સમાવેશ થઈ શકે છે.
સાબિત કરવી પડશે વ્યવસાયિક વિશ્વસનીયતા
બેંક સામાન્ય રીતે એવું માની લે છે કે ટોચની કંપનીના કર્મચારીને સારો પગાર મળે છે, જેનાથી તે લોન મેળવવા માટે સારા ઉમેદવાર બની જાય છે. પરિણામે, જો તમે ટોચની સંસ્થાઓમાં કામ કરો છો તો તમે તેનો લાભ ઉઠાવી શકો છો. તમારે બેંકને સાબિત કરવું પડશે કે તમારી આવક સ્થિર છે. ત્યારબાદ, તમને લોન પર વધુ સારો વ્યાજ દર મળવાની સંભાવના છે.
વ્યવસાયિક શાખનો ઉપયોગ કરી શકો છો
ઓછા વ્યાજ દરે પર્સનલ લોન મેળવવા માટે તમે તમારી વ્યવસાયિક શાખનો પણ લાભ ઉઠાવી શકો છો. ઉપરના પરિબળો સિવાય, જો તમારો પગાર વધારે હોય તો તમે સરળતાથી નિયમિત લોન ચૂકવણી કરી શકો છો. જે તમારી પર્સનલ લોનને વધુ ફાયદાકારક વ્યાજ દર પર મંજૂર થવાની સંભાવનાને સુનિશ્ચિત કરે છે. પરિણામે તમારે આવકનો માન્ય પુરાવો આપવો પડશે, જેમ કે ઈનકમ ટેક્સ રિટર્ન. બેંક એ પણ તપાસ કરે છે કે તમે કઈ કંપનીમાં કામ કરો છો.
બધી બેંકોના વ્યાજ દરની સરખામણી કરો
ખૂબ જ મહત્વપૂર્ણ છે કે તમે અલગ-અળગ લોન આપતી બેંકોના વ્યાજ દરની તુલના કરો. ત્યારબાદ તમારે બેંકને પસંદ કરવાની રહેશે જે ઓછા વ્યાજ દરે પર્સનલ લોન આપે છે. જો તમારી પસંદગીની બેંક તમને ડિજિટલ, પેપરલેસ આવેદન ઓફર કરે તો તમે લોન માટે ઓનલાઇન અરજી કરી શકો છો.