કોરોના વાયરસ સંક્રમણે દુનિયામાં ઘમુ બધુ બદલી દીધુ છે. હવે માત્ર વર્ક ફ્રોમ હોમ નહી પરંતુ લગ્નથી લઇને જોબ હાયરિંગ પણ ઓનલાઇન જ થાય છે. કોરોના સંક્રમણને લઇને ઑફિસ ખોલવી હિતાવહ નથી લાગી રહી. જો તમે કોઇ જગ્યાએ અપ્લાય પણ કર્યુ હશે તો ઇન્ટરવ્યૂ પણ ઓનલાઇન જ થશે.
ઇન્ટરવ્યૂ પહેલા રાખો આ બાબતનું ધ્યાન
આઉટફીટ પર આપો ખાસ ધ્યાન
પેટ્સને રૂમમાં ન આવવા દો
ઇન્ટરવ્યૂ દરમિયાન નાની નાની વસ્તુઓનું ધ્યાન રાખવું જરૂરી છે. કેટલીક વાર આપણી નાની ભૂલો જોબ અપાવતા અટકાવે છે. આ ભૂલો ન થાય તેના માટે આજે અમે તમને જણાવીશું કે ઓનલાઇન ઇન્ટરવ્યૂં દરમિયાન કેવી રીતે વર્તવું જોઇએ.
આઉટફીટ
તમે ઓનલાઇન ઇન્ટરવ્યૂ આપો છો એનો મતલબ તે નથી કે લૂક અને આઉટફીટનું ધ્યાન ન રાખો. જો તમે ગમે તેવા કપડા પહેરશો તો ઇન્ટરવ્યૂઅરને એવું લાગશે કે તમે નોકરીને લઇને ગંભીર નથી. ડ્રેસ તમારો ફોર્મલ હોવો જોઇએ અને કોમ્બિનેશન પણ પરફેક્ટ હોવો જોઇએ.
આવો રાખો મેક-અપ
છોકરો હોય કે છોકરી લૂક પરફેક્ટ હોવો ખૂબ જરૂરી છે. કોરોના મહામારીના સમયમાં ઓનલાઇન ઇન્ટરવ્યૂ આપતી વખતે રુમમાં રહેલી લાઇટનું પણ ધ્યાન રાખવું જરૂરી છે. જેનાથી તમારો વીડિયો કોલ સારી ક્વોલિટીમાં થઇ શકે.
હેડફોન સાથે રાખો
તમારા લેપટોપ કે મોબાઇલની ઓડિયો ક્વોલિટી ભલે સારી હોય પરંતુ ઇયરફોન સાથે રાખવા. જેની મદદથી તમે તમારી વોઇસ ક્વોલિટી પ્રોપર આપી શકો. જો તમારો અવાજ સામે સરખો ન પહોંચે અને વારે ઘડિયે વાત રીપીટ કરવી પડે તો ખરાબ ઇમ્પ્રેશન પડે છે.
લાઇટનું રાખો ધ્યાન
જો તમારુ ઇન્ટરવ્યૂ સવારના સમયે છે અને તેના લીધે તમે લાઇટિંગને ઇગ્નોર કરો છો તો તમે ખુબ મોટી ભૂલ કરી રહ્યાં છો. તમારે આર્ટિફિશીયલ લાઇટનો સહારો લેવો જોઇએ સાથે જ બાળકો કે પેટ્સ ખલેલ ન પહોંચાડે તેનું ધ્યાન રાખવું જોઇએ.