સેકન્ડ હેન્ડ કારની ચમક અને ઓછી કિંમત લોકોને આકર્ષે છે, પરંતુ કેટલીકવાર તે રણમાં મૃગજળ જેવી સાહિત થઈ શકે છે. તેનાથી ઘણી સમસ્યાઓ ઊભી થાય છે. ચાલો જાણીએ કે તે સમસ્યાઓ શું છે અને આપણે તેનાથી કેવી રીતે બચી શકીએ?
જુની કારનો સર્વિસ રેકોર્ડ અને ઈન્શ્યોરન્સની જાણકારી લો
કાર ખરીદ્યા બાદ તેને તાત્કાલીક નામે ટ્રાન્સફર કરાવો
નવા વાહનોની જેમ જ સેકન્ડ હેન્ડ કાર માર્કેટ પણ આ દિવસોમાં તેજીમાં છે. ઓછા બજેટમાં સારી કાર ખરીદવાની ઈચ્છા લોકોને સેકન્ડ હેન્ડ કાર માર્કેટ તરફ લઈ જાય છે. આ કાર બજારોમાં તમે બજેટ કારથી લઈને લક્ઝરી કાર્સ ખૂબ જ ઓછી કિંમતે વેચાતી જોશો. પરંતુ આ તમને મુશ્કેલીમાં પણ લાવી શકે છે. સેકન્ડ હેન્ડ કાર માર્કેટમાં તમને એકથી વધુ ઓફર જોવા મળશે. પરંતુ અહીંથી કાર લેતા પહેલા તપાસ કરવી પણ જરૂરી છે.
સેકન્ડ હેન્ડ કાર માર્કેટમાં ઉપલબ્ધ વાહનો હંમેશા યોગ્ય હોય તે જરૂરી નથી. તેમના ઘણા ડીલરો એવા પણ હોય છે જે તમને નકલી ગાડીઓ આપીને ગાયબ થઈ જાય છે અથવા તે ગાડીઓ પર કોઈને કોઈ કેસ ચાલી રહ્યો હોય.
રજીસ્ટ્રેશન તપાસો
સેકન્ડ હેન્ડ કાર ખરીદતા પહેલા તેને સંબંધિત આરટીઓમાં તેનું રજીસ્ટ્રેશન ચેક કરાવો. હવે કારનું રજીસ્ટ્રેશન ઓનલાઈન પણ ચેક કરી શકાય છે. જેના પરથી જાણવા મળે છે કે વાહન પર કોઈ ચલણ બાકી તો નથી. તેમજ કારનો ટેક્સ સંપૂર્ણ ભર્યો છે કે નહીં. જો સંબંધિત વાહનમાંથી કોઈ ગુનો આચરવામાં આવ્યો હોય તો તેની માહિતી પણ તમને મળશે.
કંપનીના રેકોર્ડ્સ જુઓ
દરેક કારનો તેમની કંપનીમાં રેકોર્ડ હોય છે. તમે કારના રજીસ્ટ્રેશન નંબરથી સંબંધિત બ્રાન્ડના વર્કશોપમાં આ રેકોર્ડ્સ ચકાસી શકો છો. આ રેકોર્ડમાં તમે જાણી શકશો કે કારની કેટલી વખત સર્વિસ કરવામાં આવી છે અથવા વાહનમાં શું-શું રિપેરિંગ કરવામાં આવ્યું છે. આ તમને વાહનની સ્થિતિનું યોગ્ય મૂલ્યાંકન કરવામાં મદદ કરશે. આ સાથે તમને કાર કેટલી ચાલી તેની સાચી માહિતી પણ મળશે.
ઈન્શ્યોરન્સ ચેક કરો
ઈન્શ્યોરન્સ વગર ક્યારેય કાર ન ખરીદો. કારનો વીમો તે જ સમયે વીમા કંપનીઓ દ્વારા કરવામાં આવતો નથી જ્યારે તેને લઈને કોઈ કાયદાકીય કેસમાં તમે ફસાયા હોવ. તો એ જ કાર ખરીદો જેનો ઈન્શ્યોરન્સ વેલિડ હોય.
તરત ટ્રાન્સફર કરાવો
કાર ખરીદ્યા બાદ તેને તરત પોતાના નામ પર ટ્રાન્સફર કરાવો. આમ કરવાથી તમારી કારના માલિક તો થઈ જ જશો. સાથે જ તમને તે પણ જાણકારી મળશે કે ગાડીને લઈને કોઈ અન્ય ક્લેમ તો નથીને.