ઘણા ક્રેડિટ કાર્ડ ધારકોએ સાવચેત રહેવાની જરૂર છે કારણ કે ઘણીવાર એક કરતાં વધુ ક્રેડિટ કાર્ડ તમારા માટે મુશ્કેલી બની શકે છે.
એક કરતા વધારે ક્રેડિટ કાર્ડ રાખવુ બની શકે મુશ્કેલી
જાણો તમારા ખિસ્સા પર શું પડશે અસર
દર વર્ષે ચુકવવી પડે છે વધારે રકમ
આજકાલ ઘણી ફાઇનાન્સ કંપનીઓ અથવા બેંકો ગ્રાહકોને ફોન કરીને ક્રેડિટ કાર્ડ ઓફર કરે છે. તેઓ શૂન્ય પ્રોસેસિંગ ફી પર ક્રેડિટ કાર્ડના એટલા બધા ફાયદા બતાવે છે કે ગ્રાહકોને લાગે છે કે ક્રેડિટ કાર્ડ લેવા જોઈએ. જો કે ક્યારેક આ શોખ તમને મોંઘો પડી શકે છે. અહીં જાણો મલ્ટિપલ ક્રેડિટ કાર્ડ રાખવાના શું ગેરફાયદા છે.
એક કરતા વધારે ક્રેડિટ કાર્ડ નુકસાનકારક
એક કરતા વધારે ક્રેડિટ કાર્ડ રાખવાથી તમને લાગે છે કે ખરીદ શક્તિ વધી રહી છે અને તમે આડેધડ ખરીદી કરવાનું શરૂ કરો છો. આ ફક્ત તમારા પર દેવાનો બોજ વધારે છે અને તમે કારણ વગર ખર્ચ કરવાનું શરૂ કરો છો જે છેલ્લે તમારે ચૂકવવો પડે છે. આનાથી બચવા માટે એક કરતા વધારે ક્રેડિટ કાર્ડ રાખવાનું ટાળો.
વધી શકે છે દેવુ
એક કરતા વધારે ક્રેડિટ કાર્ડ રાખવાથી તમારા માટે ચૂકવણીની બધી તારીખો યાદ રાખવાનું મુશ્કેલ બનશે અને તમે ડિફોલ્ટ કરી શકો છો. એક કરતા વધારે ક્રેડિટ કાર્ડ રાખવાનો આ શોખ તમને મોટા દેવાની જાળમાં ફસાવી શકે છે. જો તમે વારંવાર ક્રેડિટ કાર્ડ પેમેન્ટ ચૂકી જાઓ છો, તો તમારો CIBIL સ્કોર બગડી શકે છે.
દર વર્ષે ચુકવવી પડશે મોટી રકમ
જો તમારી પાસે એક કરતાં વધુ ક્રેડિટ કાર્ડ છે, તો તમારે પ્રથમ વર્ષમાં વાર્ષિક ફી ચૂકવવાની હોતી નથી. પરંતુ તે આગામી વર્ષોમાં જમા કરાવવી પડે છે. આ રીતે તમારે બેંક અથવા ફાઇનાન્સ કંપનીને વાર્ષિક ફીના નામે દર વર્ષે મોટી રકમ ચૂકવવી પડશે. જેનાથી તમને નાણાકીય નુકસાન થઈ શકે છે.
માસિક ખર્ચમાં વધારો
કાર્ડ પેમેન્ટને EMI દ્વારા ચુકવવા માટે લોભામણી ઓફર તમને મળતા હશે પરંતુ તેના ચક્કરમાં ન ફસાવો. જો તમે કાર્ડ પેમેન્ટને ઈએમઆઈની રીતે ચુકવવો છો તો દર મહિને તમને નક્કી રકમથી વધારે રકમ કાર્ડ માટે ચુકવવી પડશે જે તમારા માસિક ખર્ચ વધારવાનું કામ કરશે.