લૉકડાઉન / ખૂલ્યા કેદારનાથના કપાટઃ 10 ક્વિન્ટલ ફૂલોથી સજાવાયું મંદિર, PM મોદી તરફથી થઈ પહેલી પૂજા

• આજથી કેદારનાથ ધામના કપાટ ખુલ્યા, ભક્તોને પ્રવેશ નહીં
• પૌરાણિક પરંપરાને ધ્યાને રાખીને નિયત સમયે કપાટ ખોલાયા
• કપાટ ખોલ્યા બાદ માત્ર ભોગ, શણગાર અને સાંજની આરતી થશે

उत्तराखंड: केदारनाथ मंदिर के कपाट आज सुबह 6:10 बजे खोले गए। लॉकडाउन के कारण मंदिर में भक्तों को 'दर्शन' करने की अनुमति नहीं है। #CoronavirusLockdown pic.twitter.com/Cil2PIFrId

— ANI_HindiNews (@AHindinews) April 29, 2020

કોરોના મહામારીમાં ભક્તોને મંદિરમાં પ્રવેશ નહીં

સામાન્ય રીતે મોટી સંખ્યામાં ભક્તો અને મુનિઓ કપાટ ખોલવાની દિવ્ય ક્ષણની સાક્ષી માટે કેદારધામ પહોંચે છે. કોરોના રોગચાળાને કારણે વહીવટી તંત્ર દ્વારા ભક્તોને મંદિરમાં દર્શન કરવાની મંજૂરી આપવામાં આવી નથી. આ વખતે કેદારનાથ ધામમાં મર્યાદિત સંખ્યામાં કર્મચારીઓ, પુજારીઓ અને વેદપઠન કરનારાઓ ઉપસ્થિત રહેશે. મંદિરમાં માત્ર ભોગ, બપોરે શૃંગાર અને સાંજે આરતી થશે. આજે કેદારનાથનું મંદિર 10 ક્વિન્ટલ ફૂલોથી ભવ્ય રીતે શણગારવામાં આવ્યું હતું.

મંદિરમાં ઓનલાઈન પૂજા પર પણ રોક

હાલમાં કેદારનાથ ધામમાં ઓનલાઈન પૂજા પર પણ રોક લગાવવામાં આવી છે. સોશિયલ ડિસ્ટન્સનું પાલન અને ભીડ એકઠી ન થાય તે માટે તંત્ર દ્વારા લોકોને કેદારનાથ જવાની પરવાનગી આપવામાં આવી નથી. જેના કારણે આજે કપાટ ખુલ્યા બાદ લોકો દેખાયા ન હતા. આજે 20 જેટલા પુજારી અને પોલીસકર્મીઓ જ મંદિરમાં દેખાયા હતા.

મુખ્યમંત્રીએ પાઠવી શુભકામના

મુખ્યમંત્રી ત્રિવેન્દ્રસિંહ રાવતે પણ બાબા કેદારનાથ મંદિરના દરવાજા ખોલવાની ભક્તોને શુભકામના પાઠવી છે. તેમણે પોતાના સંદેશમાં કહ્યું કે, તમામ ભક્તોને શુભકામના. તમારી મનોકામના પૂર્ણ થાય, બાબા કેદારનાથનો આશીર્વાદ દરેક ઉપર રહે,  ભગવાન કેદારનાથની શુભકામના. કોરોના રોગચાળાના આ વૈશ્વિક સંકટમાં, આપણે ઘરે રહીને બાબા કેદારની પૂજા કરવી જોઈએ. સામાજિક અંતરનું પાલન કરવું જોઈએ, ઘરે જ રહેવું જોઈએ, સુરક્ષિત રહેવું જોઈએ.