IPLIN
 

શુભ ઘડી / VIDEO: KBCના 1000માં એપિસોડમાં 'બચ્ચન' દીકરીની સામે રડી પડ્યા, કહ્યું- આખી દુનિયા બદલાઈ ગઇ

Team VTV 06:35 PM, 29 Nov 21
Follow us
kbc completes 1000 episode amitabh bachchan gets emotional

21 વર્ષોથી કેબીસી દર્શકોનું મનોરંજન કરી રહ્યું છે. હવે કેબીસી તેના પ્રશંસકો માટે એક શો નહીં, પરંતુ તેમના જીવનનો મહત્વનો ભાગ બની ગયુ છે. વર્ષોથી જે રીતે બચ્ચન સાહેબે કેબીસીનું હોસ્ટિંગ કર્યુ છે. જેના માટે તેમના વખાણ કરવા માટે શબ્દો પણ ઓછા પડે છે.

  • 21 વર્ષોથી ચાલી રહેલ કેબીસીએ 1000 એપિસોડ પૂરા કર્યા
  • શ્વેતા બચ્ચન અને નવ્યા નવેલી નંદા કેબીસીના મહેમાન બન્યાં
  • કેબીસીએ એક નવો પ્રોમો શેર કર્યો, બચ્ચન થયા ભાવુક

કેબીસીએ 1000 એપિસોડ પૂરા કર્યા

હવે સ્થિતિ એવી છે કે અમિતાભ બચ્ચન વગર આ શોની કલ્પના કરી શકાય તેમ નથી. જોતજોતામાં કેબીસીએ 1000 એપિસોડ પૂરા કરી નાખ્યાં છે. આ શુભ પ્રસંગે શ્વેતા બચ્ચન અને નવ્યા નવેલી નંદા કેબીસીના મંચ પર મહેમાન બનીને આવ્યાં છે.

કેબીસીનો નવો પ્રોમો શેર કરવામાં આવ્યો

સોની ટીવીના ઈન્સ્ટાગ્રામ એકાઉન્ટ પર કેબીસીનો નવો પ્રોમો શેર કરવામાં આવ્યો છે. પ્રોમોમાં શ્વેતા બચ્ચન બિગબીને પૂછે છે કે પિતાજી, હું પૂછવા માંગુ છુ કે આ તમારો 1000 એપિસોડ છે, તો તમને કેવુ લાગી રહ્યું છે? જેનો જવાબ આપતા બીગ કહે છે કે એવુ લાગે છે કે આખી દુનિયા બદલાઈ ગઇ. ત્યારબાદ વીડિયોમાં કેબીસીના પહેલા એપિસોડથી લઇને અત્યાર સુધીની સફર કેદ છે.

બચ્ચન સાહેબ શોને લઇને ભાવુક થયા

વીડિયોની સાથે કેપ્શનમાં લખવામાં આવ્યું છે કે ચહેરાનું હાસ્ય, આંખોમાં ખુશીના આંસુ, ખૂબ સારું જ્ઞાન અને તમારા બધાના પ્રેમની સાથે #KBC પૂરા કરી રહ્યું છે 1000 એપિસોડ. વીડિયોના અંતમાં બચ્ચન સાહેબ શોને લઇને ભાવુક થયા હતા. તેમની આંખોમાં આંસૂ અને અવાજમાં દબાણ જોવા મળ્યું હતુ. ભાવુક પળ વખતે પણ બચ્ચન સાહેબે હસતા હસતા કહ્યું છે કે ઓલરાઈટ.. રમતને આગળ વધારીએ છીએ. બચ્ચન સાહેબે આટલુ કીધા બાદ તાળીઓનો ગડગડાટ થાય છે.

 

 

 

KBC Amitabh Bachchan Emotional KBC Show
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ