Kaun Banega Crorepati 10: લાસ્ટ એપિસોડમાં બિગ બી સાથે દેખાશે કોમેડીયન કપિલ શર્મા

KBCની 10મી સીઝન હવે દર્શકોને અલવિદા કહેવાની તૈયારીમાં છે. મહાનાયક અમિતાભ બચ્ચને ટેલિવિઝનનાં પોપ્યુલર શો "કોન બનેગા કરોડપતિ"માં 10મી સીઝનનું શૂટિંગ પૂર્ણ કરી લીધું છે. આ ક્વિઝ શોનાં અંતિમ એપિસોડમાં અમિતાભ સાથે કોમેડીયન કિંગ સાથે કપિલ શર્મા જોવા મળશે. તમને જણાવી દઇએ કે કપિલનો સાથ આ શોમાં તેનો દોસ્ત અને કો-સ્ટાર ચંદન આપશે.



અમિતાભે સોમવારનાં રોજ ખુદે આને લઇને એક ટ્વિટ પણ કર્યું છે. તેઓએ લખ્યું છે કે કેબીસીનું ફાઇનલ હવે પૂર્ણ થઇ ગયું છે. ટ્વિટ કરતા જણાવ્યું કે "આ મારા માટે કેબીસીની સાથે 10મી સિઝન છે. વર્ષ 2000માં શરૂ થયેલ આ શોને હવે 18 વર્ષ થઇ ગયા છે. અમિતાભે આગળ વધુમાં એમ પણ જણાવ્યું કે મારા માટે કેબીસીનાં 716 એપિસોડ નવ સત્રમાં 855 કલાક અને દરેક એપિસોડ પર 4થી 5 કલાકની તૈયારી છે."


તમને જણાવી દઇએ કે કોન બનેગા કરોડપતિની 10મી સિઝનનાં ફાઇનલ એપિસોડમાં કોમેડી કિંગ કપિલ શર્મા ગેસ્ટ તરીકે જોવા મળશે. ત્યાં વધુમાં આપને જણાવી દઇએ કે આ એપિસોડ 23 નવેમ્બરનાં રોજ પ્રસારિત કરવામાં આવશે. ત્યાં કપિલ શર્માએ પણ શૂટ કરેલી તસ્વીરો પણ સોશિયલ મીડિયા પર શેર કરી છે.