ખુલાસો / આ યુવતીના નામ પરથી રખાયું હતું બગદાદીનો સફાયો કરવાના ઑપરેશનનું નામ, કહાની ભાવુક કરી દેશે

• બગદાદીનો અમેરિકન સેનાએ કર્યો સફાયો
• ઓપરેશનનું નામ અમેરિકન યુવતી 'કાયલા મુલર'ના નામ પરથી રાખવામાં આવ્યું
• 2013 માં ISIS દ્વારા કાયલાનું કરાયું હતું અપહરણ 

અમેરિકાના રાષ્ટ્રીય સુરક્ષા સલાહકાર (NSA)એ ઓપરેશનના નામ વિશે મીડિયાને માહિતી આપી હતી. જણાવવામાં આવ્યું કે ચૅરમેન ઑફ જૉઈન્ટ ચીફ્સ ઑફ સ્ટાફે બગદાદીના ઑપરેશનનું નામ કાયલાના નામ પર રાખવાનો નિર્ણય કર્યો હતો. 

તુર્કીથી સીરિયા જતી વખતે અપહરણ કરાયું હતું

કાયલા એરીઝોનાની રહેવાસી હતી. સામાજિક કાર્યકર હતા. 2012માં કાયલા સ્નાતક થયા પછી તુર્કી ગઈ હતી. જ્યાં ગૃહ યુદ્ધ ચાલી રહ્યું હતું.  કાયલા ત્યાં સિવિલ વૉરને કારણે દેશ છોડીને ભાગી રહેલા લોકોની મદદ માટે ગઈ હતી. અહીં  અલેપ્પોમાં આંતરરાષ્ટ્રીય સંસ્થા 'મેડેસિન્સ સાન્સ ફ્રન્ટીઅર્સ' (Médecins Sans Frontières) ની એક હોસ્પિટલ હતી. જેને 'Doctors without Borders' તરીકે પણ ઓળખવામાં આવે છે. તબીબી ક્ષેત્રે કાર્યરત આ NGOને વર્ષ 1999 માં શાંતિ માટેનું નોબેલ પારિતોષિક મળી ચૂક્યું છે. કાયલા અહીં કામ કરતી હતી.  

Let us not forget the Americans who lost their lives because of Abu Bakr al-Baghdadi.

• Jame Foley
• Steven Sotloff
• Peter Kassig
• Kayla Mueller

God bless our Special Forces for getting the job done & our Commander-in-Chief for making the right decision! pic.twitter.com/Utcnh6UqaI

— Van Hipp (@VanHipp) October 28, 2019

2013 માં ISIS દ્વારા કરાયું અપહરણ

ઑગસ્ટ 2013માં એક દિવસ કાયલા હોસ્પિટલથી નીકળી રહી હતી ત્યારે ISIS દ્વારા તેનું અપહરણ કરવામાં આવ્યું હતું. 2015ની શરૂઆતમાં, ISISએ તેને કેદમાં રાખી હતી અને સેક્સ ગુલામ બનાવી હતી. તેને ખૂબ ત્રાસ આપ્યો. બગદાદીએ પોતે પણ તેને ઘણી યાતનાઓ આપી હતી. ફેબ્રુઆરી 2015માં કાયલાની મોતની પુષ્ટિ થઈ હતી. જાણવા મળ્યું કે તે ISISની કેદમાં મૃત્યુ પામી હતી. ISISએ દાવો કર્યો હતો કે કાયલા રક્કા ઉપર જોર્ડનના એક હવાઈ હુમલામાં મોત પામી હતી. ISISના આ દાવાને યુએસ કે જોર્ડન બંનેએ સ્વીકાર્યો ન હતો. કયલાની લાશ ક્યારેય મળી ન હતી.

The operation that killed the degenerate #baghdadi was named after a real hero Kayla Mueller who despite the most horrific treatment at the hands of #ISIS displayed courage & selflessness while in captivity & refused to renounce her Christian faith. https://t.co/crjEvnDC3O

— Marco Rubio (@marcorubio) October 27, 2019

આતંકનું બીજું નામ હતો બગદાદી

દુનિયાભરમાં ધર્મના પવિત્ર યુદ્ધના નામે તે હજારો નિર્દોષોના મોત માટે જવાબદાર હતો. મૃત્યુના સમયે બગદાદી 48 વર્ષનો હતો. બગદાદી તેની ક્રૂરતાની પરાકાષ્ઠા વટાવતી ફાંસી, ટોર્ચર, માથું વાઢી નાખવું જેવી અરેરાટી ઉપજાવતી વિડિયોઝ પણ શેર કરતો હતો. અલ કાયદાના વડા ઓસામા બિન લાદેન પછી અબુ બકર અલ બગદાદી દુનિયાનો સૌથી મોટો વોન્ટેડ આતંકી હતો. સીરિયા તુર્કીની સરહદ પાસે અમેરિકાએ રાત્રે ચલાવેલા સ્પેશ્યલ ઓપરેશનમાં તેની મોત થયું હતું. કહેવામાં આવે છે કે તેને લાદેનની જેમ એક સમુદ્રમાં દફનાવી દેવામાં આવ્યો છે.